شكون هي وشكون رماها من الطوموبيل وهي كتجري بسرعة… و كيفاش فكّ الدرك هاد اللغز المعقد ؟ لاجودان ادريس

الحلقة الجديدة من سلسلة القضايا الجنائية مع لاجودان إدريس حجي، وقصة جريمة غامضة بدات بجثة امرأة مجهولة مرمية فخندق على الطريق بين سلوان والناظور. فالبداية، ما كان لا اسم، لا وثائق، لا هاتف، ولا أي دليل واضح يكشف هوية الضحية أو شكون ورا هاد الجريمة. ولكن المعاينة الجنائية ورفع البصمات غادي يكونو أول خيط فهاد القضية. من بعد، البصمات كتقود المحققين لهوية الضحية، والتحريات كتوصّلهم لعائلتها وصاحبتها فالسكن، ومن هنا كيبدا خيط جديد كيكشف آخر شخص شافها قبل اختفائها. التحقيق كيوصل لسيارة كانو فيها الضحية وصاحبها واثنين من المرافقين، وكيبان أن خلاف خطير وقع داخل السيارة، قبل ما تتطور الأمور بشكل مأساوي وتنتهي برمي الضحية من السيارة وهي كتسير بسرعة كبيرة. ولكن القضية ما سالاتش هنا... الدرك الملكي كيحط خطة للإطاحة بالمتهم الرئيسي، وكمين محكم فالناظور كيسالي بتوقيفه. وبعد مواجهته بالأدلة وأقوال المشاركين، كيتمكن المحققون من الوصول إلى تفاصيل الجريمة كاملة. فهاد الحلقة غادي نعيشو معاكم مراحل التحقيق من اكتشاف الجثة، ورفع البصمات، وتحديد الهوية، وتتبع الخيوط، حتى للكمين والاعتراف وإعادة تمثيل الجريمة. شاهد الحلقة كاملة مع لاجودان إدريس حجي واكتشف كيفاش تفك لغز جثة مجهولة، وكيفاش خيط صغير فهاد القضية قدر يوصل المحققين للحقيقة. #لاجودان_إدريس_حجي #جرائم #قضايا_جنائية #جرائم_المغرب #الدرك_الملكي #الناظور #سلوان #تحقيقات #قصص_جرائم #الجريمة