英超第十輪前瞻 | 十年 | 曼聯搵迪甘斯？| 阿仙奴打得保守情有可原 | 利物浦輸在人腳厚度 | 曼城安素非常雞肋 | 車路士真係唔係踢得好 | 維拉體能點解跌得咁快？| 熱刺目前陣容的局限 |

出片之時，全香港都在討論十年。 唔知大家記唔記得自己十年前係點？有無想像到一個地方一隊球隊可以崩壞得咁快？ 曼聯十年前仲係雲高爾帶隊，卡域克當年仲係球員，最後捧起足總盃冠軍但球迷／評論都普遍唔收貨。到十年後嘅今日，佢哋竟然傳緊搵迪甘斯帶隊。如果最後真係成事，除咗恭喜我真係唔知講咩好。 上星期英超兩場大戰，曼聯對車路士水準就好低，兩隊只係鬥失誤多，最後曼聯贏咗失誤輸咗場波咁解，贏波唔一定係一隊踢得好，可以係第二隊嘅問題更多更大。 跟住場歐聯曼聯就魔性澎湃反勝羅馬，點解我哋避到呢場呢？ 好多曼聯球迷走去怪Dalot 失位，點解唔公道？ 比幾個比賽畫面大家逐格分析。 阿仙奴上輪就作客贏利物浦，坊間好多球迷就覺得佢哋下半場好保守，但上季不停覺得佢哋太保守嘅我反而覺得今次係情有可原，反而個十二碼英超 VAR 班友我諗都要驗下眼。利物浦係佢哋仲有氣力嘅時候其實踢得好好，man to man pressing 做得相當徹底，但下半場球隊體能下降就迫唔到了，又返到球隊目前陣容架構太薄嘅問題。 曼城輸畀白禮頓佢哋唔係冇機會嘅，但睇完季初我就覺得佢哋今季嘅收購安素對曼城非常雞肋。 維拉對富咸個場體能點解跌得咁快？ 熱刺之前戰績唔得嘅時候我就話佢哋走在正確方向，上輪贏波我反而想講下佢哋目前陣容的局限？ 如果想睇埋拆局嘅文字版 PDF同埋睇完陣容之後我哋買乜，一齊贏份雙糧去旅行， 以及接受所有波馬財經資訊，可以 Subscribe Patreon：   / baggioleung   如果想點唱睇咩馬，或者同我哋瘋狂討論波馬財經，可以免費加入 TG Group： https://t.me/+eWzD_-myTmQwNjU1 Follow 我哋個 Threads： https://www.threads.com/@hk_analysis