Upa Vanlalruaia Pachuau Vuina (22.08.2026)

Upa Vanlalruaia Pachuau hi kum 1944, June ni 10 khân Chalkhuma leh Rualchhingi te fa pali zinga 3-na niin Chawilung khua ah a lo piang a. A pianpui uanute chu: 1. Upa Sawilaia, Khatla South 2. Biakzuala (L), Lawipui 3. Upa Vanlalruaia Pachuau h/o Vanlalmawii 4. Zionthangi w/o Siamliana (L) Lamchhip Kum 1966 khân rambuai avangin Lamchhip khua chu Chhiahtlangah khâwm an ni a. Pi Vanlalmawii nen hian kum 1969, October ni 17 khân Chhiahtlang Lamchhip Presbyterian Kohhran biak inah an innei a. Fa pasarih (7) an nei a, an fate chu; 1. Lalramlawmi (L) w/o Zonunsanga, Khawzawl 2. P.C. Vanhmingthangi, Salem Veng 3. Lalbiakmawii (L) 4. Lallawmkima Pachuau, Salem Veng 5. P.C. Lalhmingthangi (L) 6. Lalsanglura Pachuau h/o Lalduhawmi, Salem Veng 7. Lalnunthara Pachuau h/o Zothanpuii, Salem Veng Pi Vanlalmawii nen hian tu 17 leh tuchhuan 14 an nei tawh a ni. Upa Vanlalruaia Pachuau hian a tu leh fate a hmangaih hle a, pa zâidam, thenrûal ngâina leh rûal kawm thîam tak, mi thilphal, a tih theih zâwngah chuan mi dang puih nûam ti mi a ni a. Zirna hi a ngâisâng hlê a, lehkha chhiar a peih a, thu sâwi pawh a thîam hle. Kohhran leh khawtlanga mi tangkâi tak niin Salem Venga hruaitu hmasate zinga mi a ni. ZIRNA LEH HNATHAWHNA LAM Upa Vanlalruaia Pachuau-te chhungkua hi kum 1977 khân Chhiahtlang atangin Salem Veng-ah an pêm a, Salem Venga an pêm hnu hian a tul tul thawkin a inhlawh kûal thin. Nupui fanau a neih tawh hnu-ah lehkha zir \ha lehin Matric hi private candidate-in kum 1982-ah \ha takin a zo va; chhangchhe pa ni chungin PU hi zîng kârah kalin kum 1984-ah a zo leh a ni. BA a zir chhunzawm leh a; mahse, a fanu Lalbiakmawiin a boralsan hnû khân a zirna a chawlhsan ta a ni. Kum 1979, January ni 29 khân Hindi Training School-ah Peon hna a thawk tan a, chu mi hnu-ah Mizoram State Museum, Art & Culture Department-ah LDC hna a thawk leh. Kum 2015, June ni 30 khân Superanuation pension-in a chhuak a ni. KHAWTLANG LAM Kum 1980-ah Field Veng Branch YMA, tuna Salem Veng Br. YMA hi a ding tan a. He mi kumah hian Branch YMA Executive Committee member a ni nghal a. Kum 1983, May ni 6 zana Salem Veng hming phuah a nih zanah khân recording secretary a ni. YMA-a hruaitu hna a lo chelh tawh dan chu hetiang hi a ni; 1980, 1981, 1990- Br. YMA Executive Committee 1982, 1983 1984, 1985, 1986 1987 1988, 1989- Branch YMA Secretary- Branch YMA Asst. Secretary- Branch YMA Vice President- Branch YMA Asst. Secretary Upa Vanlalruaia Pachuau hi thu sawi thîam tak a ni a. YMA hruaitu a nih lai hian YMA Day-a thuchah sawitu atan te, YMA Awareness Campaign neihna programme-ah te thusawitu atan Branch-in a hmang thin. Branch YMA-in Drama te, zai leh YMA Day intihsiakna hrang hrang a buatsaihna-ah endiktu (Judge) atan a hmang thin bawk. YMA a chawlhsan hnu pawhin Branch YMA inthlanna-ah Returning Officer a nih loh pawhin Polling Officer a ni thin a. Kum 1987-a Branch YMA Committee vawi 3-nain Branch YMA hminga chanchinbu chhuah nise an tih khân Upa Vanlalruaia Pachuau hi Jt. Editor mi pahnih zinga pakhat a ni. Govt. Salem Middle School din tirh khân theih tawp chhuahin khawtlang hmasawn nan a lo thawk thin a, Managing Board Secretary hmasa ber a lo ni tawh bawk a ni. A NAT DAN TLANGPUI Kum 2026 kum tir lam atang khân insawiselna neuh neuh a nei tan a, a taksa te a chak lo chho hle bawk. Theih ang angin inenkawl a ni a; mahse, July thla tîr lam khân amah a that loh êm avangin Kulikawn Hospital-ah inentir a ni a, rannung seh natna a lo nei a. In lamah theih tawp chhuahin kan enkawl a; amaherawh chu \hat lam a pan hleih theih loh avangin BN Hospital, Kulikawnah July ni 10 khan admit a ni a, hetah hian investigation hrang hrang tiin Pneumonia natna hmuh chhuah a ni a. In lamah inenkawl turin damdawi in atangin chhuahpui a ni a; mahse, that lam a pan hleih theih loh avangin August ni 17 khân Kulikawn Hospital-ah bawk luh pui leh a ni. August ni 20-a a zing tho chu tûk dang ang lo takin a tho nuam lo hle a; eng mah a ei peih lova; a sugar leh BP a hniam a, a vâi rûai a, a thâwk a hah zûal tâk avangin tlai dar 5-ah BN Hospital ICU-ah sawn chhoh a ni a, hemi zân vêk hian Ventilator hmanga thawk tir nghâl a ni a, zia-awm lam a pan hlei thei lo a, kan dinhmun a hniam hle a ni. August ni 21, chawhnu dar 1 vêlah a thâwk rawn buai zûal a, damdawi ina thawktuten theih tâwp chhauhin an buaipui a; mahse, mihring lamah tih theih kan nei tawh si lo a, August ni 21, chawhnu dar 2 leh minit 10 khân a rawng a bawlsak thin a Lalpa hnena chatuana chawl tawh turin min lo liamsan ta a ni.