Kikuyu Sermon 29th March 2020 - Reverend Dawn Gikandi

Kĩhunjio-inĩ gitũ ũmũthĩ, Mũtungatĩri Dawn Gĩkandi aratũrehera Kiugo Kĩa Ngai, na Mũoroto: Jesũ Kristo Gĩthima Kĩerũ. Na njĩra nguhĩ-rĩ, aratũririkania maũndũ matatũ harĩ Kristo Jesũ: Mwĩhoko – Thayũ – Ũhootani. Aratũganĩra rũgano rwa gĩkundi kĩa andũ maikaraga werũ-inĩ. Kũrĩ andũ aya, 'kwonekanaga arĩ mehia makĩrĩte kũũragana ũngĩkorwo ũĩ harĩa hena maaĩ na ũkaga kwĩrĩra mũndũ ũcio ũngĩ.' Tũkũrora nyĩmbo ithatũ. Rwĩmbo rwa mbere nĩ rĩĩtaana kuuma kwĩ Mwathani na Mũhonokia witũ Jesũ Kristo. Rwa kerĩ, nĩ gwĩtĩka gwitũ. Rwa gatatũ rũratũringĩrĩria tũrutĩre Kristo wĩra harĩa hothe tũrĩ: Nĩtũgwĩtwo nĩ Jesũ, Atũhonokie, Atũhe gĩkeno Gĩake, Gĩa thĩ na Igũrũ. Ngũũka ndĩ o mũmocu: Hinya Waku Ũ’he; Ngũũka ndĩ mwaganu mũno: Ũngirie kwagana. (Rwĩmbo: Nĩngũigua mũgambo). Ndihota gũconoka rĩu, Atĩ ndĩ wa Jesũ; Nĩngwenda ma kũmuumbũra, Harĩ andũ othe. (Rwĩmbo: Ndihota gũconoka rĩu atĩ ndĩ wa Jesũ). Taranda nĩ nyingĩ mũno, Hihi yaku nĩ ĩrĩkũ? Hoya Jesũ akũguũrĩrie, Ũmĩrutithie wĩra. Ũngĩaga Kũringa iria, Waga gũthiĩ kũraya; Ruta wĩra kũu kwanyu, Kũu itũra-inĩ rĩanyu. (Rwĩmbo: Jesũ Rĩu nĩ Aretana). Rĩĩtana Rĩa Ũgooci: Akorintho wa Kerĩ 5:17; Ithoma Rĩa Mbere: Thaburi 1:1-6; Ithoma Rĩa Kerĩ: Johana 4:1-15; Kũguũrĩrio 7:13-17.