وجعِك مش دايمًا طبيعي! مع د. جوليان لحّود | تقديم سابين نحاس (بكرا أحلى)

شو الأعراض اللي ما لازم المرأة تعتبرها طبيعية؟ ومتى وجع الدورة أو اضطراب الهرمونات بيحتاج متابعة فعلية؟ بهالحلقة من بكرا أحلى، تستضيف سابين نحاس د. جوليان لحّود، أخصائي طبّ النساء والتوليد، لنفتح ملف صحة المرأة والهرمونات بمختلف مراحل حياتها. منحكي عن اضطرابات الدورة الشهرية، تكيّس المبايض (PCOS)، بطانة الرحم المهاجرة (Endometriosis)، الخصوبة، وصحة الأمعاء وعلاقتها بالهرمونات، بالإضافة إلى الصحة الحميمة عند المرأة. كمان منناقش مراحل Perimenopause وMenopause وPostmenopause، والتغيّرات الهرمونية اللي بترافقها، وكيف ممكن المرأة تحافظ على صحتها وجودة حياتها مع التقدّم بالعمر. ومنسأل: أي أوجاع وأعراض ممكن تكون طبيعية، وأي إشارات لازم ما نتجاهلها ونراجع بسببها الطبيب؟ حلقة مهمة لكل امرأة بدها تفهم جسمها أكتر، وتعرف إمتى لازم تسمع لإشاراته وتطلب المتابعة الطبية المناسبة. صحتِك مش رفاهية… صحتِك أولوية.