Road Trip from Catubig to Las Navas, Northern Samar - 2023

Road Trip from Catubig to Las Navas, Northern Samar - 2023. Noong April ng 2023, nagpunta kami sa Las Navas via Catubig sa isang di malilimutang road trip. Sa naunang video, dumaan kami sa Catubig at tumigil sandali sa simbahan at pag-alis namin, dito magsisimula ang video na ito. Unang nadaanan namin ang UEP Catubig Campus at nagpatuloy na papunta ng Las Navas. Mapapansin na sa taong iyon, maganda na ang kalsada papunta ng Las Navas. Ginagawa din ang expansion ng ilang bahagi ng highway. Ilang mga sasakyan lang ang dumadaan at nakakasulubong namin dahil holidays ng mga panahon na yun. Sa Las Navas, pinuntahan namin agad ang magandang simbahan ng bayan. Pagkatapos, umikot na kami sa mga kalsada kung saan mas kilala ang mga ito sa mga numero depende sa lapit nito sa ilog - Ikasayo, Ikaduha ... Madaling ikutin ang bayan, hindi ka basta basta maliligaw dito. Kaiba sa ilang mga bayan sa Northern Samar, malalapad ang mga kalsada sa Las Navas. Umalis kami ng Las Navas bago umulan. Makikita sa mga huling bahagi ng video na ito na umaambon na.