5حيل نستعملها ساعدتني نربح وقتي وراحتي في الصيف#صحتي #روتيني_اليومي #راحة_نفسية #روتين

نبدأو بوصفة شطيطحة السردين. شطيطحة السردين سهلة وبزاف بنينة، وهذه طريقتي، وكل واحد وكيفاش يحب يديرها. أول حاجة ننقيو السردين مليح، ونصفّوه واحدة حدّ وحدة. زمان كانوا يديرو لها الدرسة، بصح أنا من نهار جربتها هكذا بلا صوص طماطم عجبتني بزاف، ومن وقتها وليت نفضلها بهذه الطريقة. صوص الطماطم اللي استعملت هنا سبق وشاركتها معاكم في فيديو من الفيديوهات اللي فاتت. نحط الصوص في الكسرونة، ومن بعد نصفّ فوقها السردين. نزيد عليه شوية ملح، زيت، والكمون برك. نخليه يتقلّى مليح ويشرب السردين كامل هذيك البنة تاع صوص الطماطم. من بعد نمرقوه بحوالي كاس قهوة تاع الماء، ونزيدو شوية كركم. نغطيه وننقص عليه النار، ونخليه يطيب على نار هادئة حتى يتجمر مليح وتطيب السردينة وتشرب كامل المرق. وبصحتكم. أما السردين الثاني، اللي راح نقليه بالطريقة التقليدية، هنا ندير له الدرسة. والدرسة تاعي فيها الثوم، الكمون، الملح، الفلفل الأسود، والعكري. ندرسهم كامل في المهراز، وإذا ما عندكمش مهراز تقدروا تستعملوا الشوكة عادي. ومن بعد نخلط الدرسة مع السردين اللي كنا نقيناه، بعدما نحيو له الراس والمسارن، ونخلطوه كامل مليح باش تتوزع فيه البنة. بعدها نرمد السردين في الفارينة ولا في السميد. وأنا بصراحة نفضل السميد، خاطر يعطيه قرمشة وبنة مختلفة وتجي السردينة مقرمشة من برا وطرية وبنينة من الداخل. ومن بعد نقليها في الزيت على نار متوسطة حتى تتحمر مليح من الجهتين واش نحتاجوا؟ نحتاجوا زوج بيضات، نفصلوا الصفار على البياض. نحكموا البياض ونضربوه مليح حتى يولي خفيف، ونخلوه على جنب. نحكموا صفار البيض، نزيدولو حوالي زوج مغارف كبار تاع السكر. السكر هنا اختياري، يعني اللي يحب البانكيك تاعو يكون حلو شوية يقدر يزيد الكمية على حساب ذوقه. نزيدوا ثاني الفانيليا البودرة وشوية فانيليا ليكيد، ونخلطوهم مليح. من بعد نزيدوا حوالي 50 غرام مارغارين تكون دايبة وباردة، ونخلطو مليح. نزيدوا بعدها حوالي 350 غرام حليب، يعني تقريبًا قريب نصف لتر تاع الحليب. نضيفوا 300 غرام فارينة، ومعاها ساشي ونص تاع خميرة الحلويات، ونخلطوا كامل المكونات حتى نتحصلوا على خليط متجانس. وفي الأخير نضيفوا بياض البيض اللي كنا ضربناه من قبل، ونخلطوه برفق باش ما نهبطوش الخفة تاع البياض. والطريقة كاملة راهي موضحة معاكم في الفيديو، وجربوها وإن شاء الله تعجبكم شوفوا، أما بالنسبة للمطلوع، فالوصفة سهلة بزاف وما تحتاجش مكونات كثيرة. عندنا زوج كيسان تاع السميد الرطب، نزيدولهم ملعقة صغيرة سكر، ملعقة صغيرة خميرة الخبز، وحوالي جمغرفة كبيرة تاع زيت الزيتون. من بعد نزيدوا الماء بالتدريج، حوالي كاس إلى زوج كيسان، على حساب القوام. نخلطوا كامل بالبراڨميكسر حتى يولي عندنا الخليط خفيف ومتجانس. وإذا حسيتوه ثقيل، زيدوا شوية ماء بالتدريج، باش ما تتعبوش البراڨميكسر تاعكم. نخلطوه بالبراڨميكسر حوالي خمس دقايق، ومن بعد نبدأوا نضيفوا الفارينة البيضاء بالتدريج، حتى نتحصلوا على عجينة طرية وما تكونش شادّة بزاف. نخلوها تخمر، ومن بعد تشوفوا في الفيديو كيفاش نديروا هذوك الطيّات اللي نطويو بيهم العجينة، باش يعطينا المطلوع هذيك الخفة، وهدوك الدوائر والخيوط اللي يجيو من الداخل. من بعد ما تختمر، نقرصوها ونحطوها في السميد ولا في الفارينة، هذا اختياري، ونفتحوها مليح ونخليوها ترتاح شوية. وبما أننا في فصل الصيف، العجينة تخمر بسرعة، لذلك بعد ما نفتحوهم نخليوهم يرتاحوا حوالي خمس دقايق برك، ومن بعد نروحو نطيبوهم في الطاجين. ونتمنى الوصفة تكون عجبتكم وجربتوها وبانتلكم سهلة وبنينة. أما بالنسبة لوصفة البندومية، فهي راهي موجودة من قبل في فيديو سابق، تقدروا تلقاوها عندي. #algerie #اكسبلور #food #kitchen #recipe #روتين #روتيني_اليومي #explore