Triangl - Jana (Триангл - Јана) - 1975

Оваа песна е вистински аудио споменик од 70-те на македонската рок музичка сцена. Борче Стоевски беше клучната фигура на соло гитара во таа оригинална постава на Триангл, но за жал, во сообраќајна несреќа во 1977 година прерано замина од овој свет, а неговиот талент не доживеа шанса за успешна кариера. На тапани е Благоја Трпковски - Бек (Трте), а бас гитара свири Кокан Пандиловски. Оваа екипа е „виновна“ за тој специфичен звук во времиња кога музиката се снимаше во живо, со многу душа и без денешните компјутерски помагала. Во тој период видео-спотовите во денешна форма не постоеја, а овој храбар видео запис е направен во некогашната дискотека „Мусандра“ во 1975 година.