Qurandakı Əhli-Beyt kimlərdir?

Quranın 33-cü surəsinin 33-cü ayəsində Allah Rəsulunun əhli-beyti haqqında bəhs edilir. Bu ayənin təfsirilə bağlı həm sünni, həm də şiə mənbələrində Peyğəmbərin İmam Əli, Həzrət Fatimeyi-Zəhra, İmam Həsən və İmam Hüseyni öz əbası altına alıb: "Bunlardır mənim əhli-beytim!" - söylədiyi nəql edilir. Daha sonra Allaha öz əhli-beytini dua etdiyi bildirilir. Quranın sözügedən ayəsinin təfsirində burada adı çəkilənlərdən başqa Allah Rəsulunun ailə üzvlərindən heç birinin adı çəkilmir. Hətta hədisi rəvayət edən Peyğəmbərin zövcəsi Ümm Sələmə Allah Rəsulundan: "Mən də onlardan deyiləmmi?" - sualını verdikdə, "Sən öz yerində qal, sən xeyir üzərindəsən!" - cavabını almışdır. Ümumi mənada "əhli-beyt" bütün ailə üzvlərinə şamil olunsa da, Quranın sözü gedən ayəsilə bağlı xüsusi mənada "əhli-beyt" Allah Rəsulunun əbası altına alıb, dua etdiyi şəxslərə şamil olunur... #əhli-beyt #qurani-kərim #ehli-beyt