ගුරු භවතුන් සඳහා ඉදිරිපත් කිරීමේ කුසලතා (Presentation Skills for teachers)

ඉදිරිපත් කිරීමේ කුසලතා (presentation skills ) පිළිබඳව ගුරු කාර්යක්ෂමතා කඩඉම් මොඩියුලයක් ද වෙයි. නමුත්,එය හුදෙක් මොඩියුලයකට සීමා වන්නක් නොවේ. සමාජයේ ඕනෑම වෘත්තියක කෙනෙකුට ඉදිරිපත් කිරීමේ කුසලතාව ප්‍රදර්ශනය කළ යුතු අවස්ථාවක් ජීවිතයේ කවර හෝ තීරණාත්මක අවස්ථාවක උදාවෙයි. දරුවන්ට ද සිය පාසල් ජිවිතේ මෙන්ම උසස් අධ්‍යාපන අවස්ථාවන්හිදී ඉදිරිපත් කිරීමේ කුසලතා පිළිබඳ දැනුම යම් යම් කඩඉම් සමත් කිරීමේ තීරණාත්මක සාධකයක් වන බව අවිවාදාත්මකය. එකී කුසලතාව සහජයෙන්ම පැමිණෙන දෙයක් ලෙස කෙනෙකුට තර්ක කළ හැකි වුවද, කුඩා කල සිට ලබන මනා පුහුණුවක් මගින් බෙහෙවින් වැඩි දියුණු කර ගනිමින් මනා ප්‍රතිලාභ ලද හැකිය. පාසල් අවධියේ සිටම, එකී කේෂත්‍රයෙහි නිපුණ වූයෙමි. කථික තරඟ ජයග්‍රහණ හා විවාද කණ්ඩායම් නායකත්වය දැරුවෙමි. අනතුරුව, පාසල් වල විවාද කණ්ඩායම් සඳහා සහ කථික තරඟ සඳහා දරුවන් පුහුණු කිරීමේ නියැලුණෙමි. එකී දැනුම මේ සඳහා පාදක වූ බැව් පවසන්නේ සතුටිනි. උත්සාහය සාර්ථකදැයි පැවසීම ඔබ සතුය. මෙයද පිරිනැමෙන්නේ ජාතියේ ආදරණීය ගුරු ගුරුභවතුන්ටමයි. ආදර්ශනී එල්සන්, කථිකාචාර්ය. ශ්‍රී ලංකා ගුරු අධ්‍යාපනඥ සේවය.