San Roque Cathedral Parish Church in Caloocan City, Metro Manila

Maligayang Kapistahan ni Señor San Roque! Ito ang kaniyang Katedral sa Lungsod ng Caloocan, ang sentro ng Diyosesis ng Kalookan na nakakasakop sa mga parokya ng mga lungsod ng Caloocan (South), Malabon at Navotas sa Kalakhang Maynila. Ito ay makasaysayan ding Simbahan dahil naging himpilan ito noong Digmaang Pilipino-Amerikano ni Heneral Antonio Luna at winasak ng mga Amerikano sa Labanan sa Caloocan noong Pebrero 10, 1899. Naging luklukan ito ng Obispo ng Kalookan nang maging suffragan diocese ng Arkidiyosesis ng Maynila ang Diyosesis ng Kalookan noong Hunyo 28, 2003.