一周星星・精華丨戴祖儀自認係超好旅行腳 周嘉洛為旅伴提供情緒價值

一周星星・精華丨戴祖儀自認係超好旅行腳 周嘉洛為旅伴提供情緒價值 一個好嘅旅行伴侶係相當難得，周嘉洛就自認係一隻好好嘅旅行腳，雖然佢冇咩特別功能，但勝在可以畀到情緒價值大家。 myTV SUPER重溫《一周星星》精彩內容 https://www.mytvsuper.com/tc/programm... 而高海寧指希望自己嘅旅行腳係一個J人（判斷性人格、喜歡規劃），因為佢話自己係一個P人（感知型人格》偏好隨性行程），唔叻plan行程，可以即時買機票快閃嘅人，而幸好佢細佬係一個極緻嘅J人，將行程plan得相當仔細。 戴祖儀就話自己係一個超級好嘅旅行腳，仲成日同自己嘅朋友話，好羨慕佢哋有佢呢個咁好嘅朋友，因為佢話自己相當就得人，無論對方幾點起身，佢都可以好彈性地更改行程，同時喺出發前又會做好晒資料搜集，睇下當地有咩值得去嘅景點，行程間又會為大家充當攝影師，見大家買得多嘢又會幫手拎，仲會做埋司機揸埋車，令在坐幾位嘉賓聽到嘩嘩聲，馬國明仲建議佢應該收錢做呢件事。 馬國明就自稱唔叻安排嘢，幸好有老婆 湯洛雯 ，不過馬明就話老婆讚佢係揸車、攞嘢同畀錢，所以話佢係一隻好好嘅旅行腳。高Ling仲爆馬明平日點樣低調曬恩愛，例如每次問佢身上嘅衣物同手袋咁，馬明都會話係老婆買嘅。 《飛常日誌II》 星期一至五晚 20:30 翡翠台 #一周星星 #精華 #馬國明 #高海寧 #周嘉洛 #戴祖儀 #旅行腳 #旅行Plan #情緒價值 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0