順豐假SMS｜收到「自取件通知」千祈唔好按！原來一早已改用APP

⚠️ 收到「順豐自取件SMS」？小心有伏！ 順豐香港由2025年4月14日起，快件自取通知已全面改用 SFHK APP 推送。 騙徒就係利用大家成日網購呢個習慣，假扮速遞公司發SMS，再用「派件失敗」、「地址有問題」、「重新派送」等理由，引你按入假網站。 一按入去，下一步可能就係叫你輸入個人資料、信用卡／銀行資料，甚至驗證碼。 今集《香港騙案拆局》同大家拆解： 🔴 假順豐SMS點樣令人放低戒心？ 🔴 假網站點樣一步一步套資料？ 🔴 點解「只係畀幾蚊運費」都可以中伏？ 🔴 收到可疑SMS應該點處理？ 記住最簡單一招： 👉 唔好由SMS入面嘅連結入去 👉 自己開官方 SFHK APP 查件 ⚠️ 尤其屋企有長者或者經常網購嘅朋友，可以將呢條片分享畀佢哋。 #香港騙案拆局 #順豐 #SMS騙案 #網購騙案 #防騙 #香港騙案 #假短訊 #網絡安全