Uzm.Dr.Rəxşəndə Aslanova ilə həftə həftə hamiləlik səyahəti. Hamiləliyin 15. həftəsi

15-ci həftəyə gəldik, dölümüz artıq bir alma qədər oldu. Çəkisi 70qr, uzunluğu da təqribən 10sm-dir. Bu həftələrdən dölün boyu, əl və ayaqları uzanır, proporsiyaları yeni doğulmuş uşaqla eyniləşməyə başlayır. 15-ci həftədə gələcək körpənin sümük və əzələləri formalaşmağa başlayır və həmin həftələrdə hamilə xanımlarımıza kalsium tərkibli yeməklər istifadə etməyə davam etməyi tövsiyə edirik. Əgər hamilə xanım mütəmadi ağartı istifadə etmirsə, ona əlavə olaraq multivitamin dəstəyi alması yazırıq. Bəzi pasiyentlərdə D vitamini dəstəyinə də ehtiyac olur, onu da pasiyentin şikayətinə və analizlərin cavabına əsasən təyin edirik. Bu həftədən etibarən bütün bədən üzərində kiçik tüklər əmələ gəlməyə, həmçinin kipriklər uzanmağa başlayır. Bu ilk tüklərə “lanuqo” deyilir. Bu həftələrdə döldə bəzən yatma və dincəlmə periodları olur, bəzən analar dölün hərəkətsizliyindən narahat olurlar, lakin göstəricilər qaydasındadırsa, narahatlığa əsas yoxdur. 15-ci həftədə anada da müəyyən dəyişikliklər baş verir. Belə ki, əgər öncəki həftələrdə uşaqlıq qasıq nahiyəsinin və sümüyünün altında idisə, artıq bu sümüyün üstünə çıxır. Qarın daha çox nəzərə çarpmağa başlayır. Xanımlar hamiləlik geyimləri keçir. 15-ci həftədə uşaqlıq göbəkdən hardasa 10sm aşağıda yerləşir və hamilə əliylə öz uşaqlığını hiss edə bilir. Böyümə ilə əlaqədar əzələ və bağların dartılması, sinirləsin sıxılması hamilələrdə qasıq ağrılarına səbəb ola bilər. Bu, normaldır. Lakin şiddətli qasıq ağrılarınız varsa, mütləq həkimə müraciət etməlisiniz. Analarda bu həftələrdə süd vəziləri daha da böyüyür və bəzən hətta az miqdarda süd gələ də bilər. Bədən doğuşa hazırlanır və süd hazırlığı artıq bu həftələrdən başlayır. Həmçinin qəbizlik şikayətləri ola bilər, ona görə hamilələrə maye qəbulunu artırmağı və lifli qidalardan istifadə etməyi tövsiyə edirik... Hamiləliyin 15-ci həftəsində baş verən bu və digər dəyişikliklər barədə daha ətraflı məlumat almaq üçün videonu izləyin. Məni izləyin:   / dr.rahshanda     / vaginizm_mualice_merkezi     / uzmra   https://rexshendeaslanova.az/ 🏥Baku Medical Plaza Mərkəz filialı 📞0552260635