Përtej kryetitujve: Çfarë mbetet pas një tregimi të mirë për shëndetin?

Çfarë mbetet pasi mbyllet një projekt, publikohet një storie dhe kryetitujt ndryshojnë? Në episodin përmbyllës të serisë “Përtej kryetitujve: Gazetaria, sëmundjet kronike jongjitëse dhe tregimet që kanë vlerë”, bisedojmë me Vlerë Memeti, Bubulina Peni dhe Getoarbë Mulliqi për mësimet nga kjo nismë, sfidën e raportimit të saktë dhe të kuptueshëm për shëndetin, si dhe për mënyrat se si bashkëpunimi ndërmjet gazetarëve dhe ekspertëve mund të vazhdojë edhe përtej projektit. Gazetaria e mirë për shëndetin nuk përfundon te informimi. Ajo mund të ndërtojë besim dhe t’i ndihmojë njerëzit të marrin vendime më të mira për shëndetin e tyre.