لاد الرغيات | كلمات خالد مسعد العزيزي | اداء منير البقمي

كلمات القصيده :- على مكارم قبيله واعتزاز وفخر قومت ساس القصيده وانبنى بيتها من يعرفون المكارم يفهمون الشطر والنقطه اللي بتالي السطر حطيتها ماهي بلحية من البارح يالين الفجر انا ليا شفت جره ماتوطيتها بعض القصايد يالولا القافيه والبحر لأقول هذي قصيده كني اوحيتها ياخي ترى الشعر بالتكرار ماهو شعر اللي من افكار غيرك كان خليتها تجيب لك فكرةٍ زلت ولاهي بكر ثم جبتها بين خلق الله وهليتها اللي ماهو شاعر اكيد امتذوق شعر يميزون القصيده يوم غنيتها اما ابدع المستحيله من صميم الفكر ولا الشرايد تروضها نعاتيتها وانا بهذا المقام اللي يشوق النظر مشاعر الافتخار بخالي ابديتها الله يبارك يافرحان ويزيدك عمر ويحقق الامنيات اللي تمنيتها وانا على اللي تبون وتامروني امر ودعوتكم اشره عليّه لن مالبيتها عزالله ان دونكم ماني مدور عذر والارتباطات في موعدكم ألغيتها مقامكم يعتبر عندي بفرصة عمر ياشيب عيني ليا فاتت ولاجيتها خوالي اللي لهم عندي مقام وقدر ومكانتن طول عمري ماتناسيتها لاد الرغيات فالتاريخ ماهم ممر وقف ياتاريخ مجبر يوم مريتها هم والله اللي على الامجاد ساس ومقر وفي معقل اهل المكارم ذايع صيتها وهم والله اللي على الصكات عون وذخر وفزعاتهم والمواقف حسب توقيتها والله من طيبة الخاطر ووسع الصدر ومراجلن ورث للحيين من ميتها خصايلن في كتابتها مايكفي شهر تجدد المجد جاري لو ماعديتها ماهو كلام يقال الا دروس وعبر وتغريدةٍ تجبر المنصف برتويتها