وئام وهاب يقلب الطاولة: حزب الله قادر على تغيير النظام… وسلاح الدروز مثل خبزهم!»

أبرز ما قاله وئام وهاب خلال حلقته مع جو إبراهيم ضمن برنامج «بود سياسي» عن انتخابات العرب في إسرائيل: «يتواصل معي كثير من العرب في إسرائيل، وبالانتخابات راحت أصواتهم، بحسب قراءتي، باتجاه درب إيزنكوت، وليس باتجاه نتنياهو. زمن الشعارات ولّى وذهب. صار في عرس ديمقراطي، والعرب صوّتوا بحرية، وأخذوا 19 مقعدا. عرب إسرائيل سيتحولون إلى قوة مؤثرة في المنطقة العربية، من خلال تأثير أصواتهم في القرار داخل إسرائيل». عن أهالي السويداء: «أنا لا أمثل أهل السويداء، أنا خادم عندهم. ما حدا ينتقد أهل السويداء وينظّر عليهم، ويسأل: مين انذبح ومين تحرك وشو عملوا؟ طمّنوهم، لحد الآن في جثث على الأرض وجثث تحللت، وما قدروا يشيلوها. وأول ما أقدر أطلع عبر الطرق الشرعية، رح أطلع على السويداء». عن سقوط سوريا وأوروبا والخليج: «سقوط سوريا هو سبب قرع أبواب أوروبا والخليج، والإخوانجية عاملين شغلهم. أنا نصحت الشرع، وجلست مع مستشاره». عن سلاح الدروز ومستقبل السويداء: «سلاح الدروز متل خبزهم، واللامركزية هي الحل في السويداء». عن إيران ونهاية الحرب: «إيران هي الجواب لانتهاء الحرب. هي ما قدرت تواجه أميركا عسكريا، لكنها طوّعتها اقتصاديا. بس تشوف ترامب وإيران اتفقوا، بترتاح المنطقة، ومنشوف لوين رايحين، وبتنحل بلبنان. غير هيك، ما في حل». عن حزب الله والنظام اللبناني: «حزب الله مش بس قوة عسكرية، إله دور، وقادر يفرض تغييرا في النظام اللبناني. ليش مستغربين من شحنة المتفجرات عنده؟ عنده جبهة مفتوحة، ومش همّه يبيع تفاح». عن علاقة لبنان بإسرائيل ومشاريع المنطقة: «أنا مش عالقطعة بالملفات، أنا مع الأمة. شو المعنى إن لبنان يكون خارج أي مشروع وتطوير، وكل الدول مطبّعة ومستفيدة وعندها مصالح؟ إذا ضل لبنان مش جزءا من المشروع، برأيك رح يُسمح له بشي؟». رسالة إلى الشيعة: «نصيحتي للشيعة هي الاتجاه نحو السلام. قاتلوا عن الأمة، وماذا فعلت هذه الأمة بعدها؟ حاصرتهم وما ردّت لهم جميل». عن اقتراح القوات اللبنانية إجراء انتخابات نيابية مبكرة: وصف وهاب المقترح بتقريب موعد الانتخابات النيابية وإجراء انتخابات مبكرة بأنه «أمر سخيف». عن الدور الأميركي والملفات اللبنانية: «الأميركيون لازم يطلعوا من نفاقهم. بلبنان ما رح يصير شي، لأن ميشال عيسى بيعرف كل شي، وعارف بوزارة الطاقة والأشغال اللي تحت إيدين الوزراء، وفيها مليشيات وزعران. وإذا هو عارف وما عمل شي، يعني هو شريكهم». .عون وسلام يقومان بدورهما على أكمل وجه #وئام_وهاب #جو_إبراهيم #بود_سياسي #SBC_Lebanon #حزب_الله #إيران #السويداء #لبنان #سلاح_حزب_الله #ترامب #نتنياهو #إسرائيل #الدروز #اللامركزية #الانتخابات_الإسرائيلية #ميشال_عيسى #القوات_اللبنانية #السياسة_اللبنانية #أخبار_لبنان #SBC