Վարդավառը Հարություն Փանոսյանենց բակում│Մեր երգերը և մենք│Վարդավառը գալիս է│Vardavar

Գալիք միջոցառումների մասին տեղեկանալու համար հետևեք մեր ՏԳ ալիքին՝ https://t.me/oursongsandwe։ «Մեր երգերը և մենք» նախաձեռնության կողմից յուրաքանչյուր ամիս կազմակերպվում են հայկական ավանդական երգերի բաց դասեր, որոնց կարող են մասնակցել բոլոր ցանկացողները։ Նախաձեռնության նպատակն է տարածել մաքրամաքուր ժողովրդական երաժշտությունը։ «Մեր երգերը և մենք» նախաձեռնության ֆեյսբուքյան էջը՝   / hayerg   Տելեգրամ ալիքը՝ https://t.me/oursongsandwe Ինստագրամում՝ our_songs_and_we Այս միջոցառումը նվիրված էր Վարդավառի տոնին։ Միջոցառումը վարում էր կենդանի լեգենդ, ավանդական մշակույթի մեծագույն նվիրյալ, սիրելի Հարություն Փանոսյանը։ Հարություն Փանոսյանը երկար տարիներ ղեկավարել է «Ակունք» և «Վան» ավանդական երգի-պարի խմբերը, կատարել բանահավաքչական աշխատանք ողջ Հայաստանում, և ոչ միայն։ Ավանդական երգը, պարն ու ծեսը իրականացրեցինք բակային միջավայրում։ Ինչպես բարեկամներ, հարևաններ, միասին հավաքվեցինք պարոն Փանոսյանենց բակում, ու էդպես մտերմիկ էլ միասին տոնեցինք Վարդավառը։ Երգի բառերը՝ Ա.- Վարդավառը գալիս է, Լուսամուտին կարմիր խնձոր շարել եմ, շարել եմ, Ծաղիկը ցնծալիս է, Տո շան տղա, քեզնից լավին ճարել եմ, ճարել եմ: Տ.- Ծառի կանաչ տերեւը, Լուսամուտին կարմիր խնձոր շարել եմ, շարել եմ, Յարիս թել-թել մազերը, Տո շան աղջիկ, քեզնից լավին ճարել եմ, ճարել եմ: Ա.- Էլա էրթիկ աշեցի, Լուսամուտին կարմիր խնձոր շարել եմ, շարել եմ, Ջահել կյանքս մաշեցի, Տո շան տղա, քեզնից լավին ճարել եմ, ճարել եմ: Տ.- Խնձոր կծի ֆռֆռա, Լուսամուտին կարմիր խնձոր շարել եմ, շարել եմ, Թուշդ կծեմ մռմռա, Տո շան աղջիկ, քեզնից լավին ճարել եմ, ճարել եմ: Ա.- Սև էր չոբանի շունը, Լուսամուտին կարմիր խնձոր շարել եմ, շարել եմ, Չի տանի յարիս քունը: Ա- Տո շան տղա, Տ.- Տո շան աղջիկ, Քեզնից լավին ճարել եմ, ճարել եմ: