DD News Mizoram Chanchinthar | 26 September 2026 | 6:30 PM

CHANCHINTHAR Local: 1. Health Minister Pi Lalrinpuii chuan Mizo thalaite zingah lehkha thiam an tam tawh ngaihtuaha All India Service-a lut an la tlem chu ngaihtuah ngun a ngaih thu a sawi. 2. LESDE Minister Pu Lalnghinglova Hmar hovin state pawna hnathawkte himna tur sawiho a ni. 3. Aizawl Traffic Police-te chuan kawng kama motor lian ding leh vantlang kawng mi mal ta anga hauh thinte dapchhuah runpui an nei a, nizan khan Special drive an kalpui bawk. 4. United Forum of Bank Unions (UFBU) leh All India Regional Rural Bank Employees Association ten September ni 28 atanga ni 30 chhunga ram puma bank khara nawrh an tum chu kalpui tlang an tum. 5. Pathiannia bank hawng tura thupek awm Central YMA-in pawi an tih thu an tarlang. 6. World Rabies Day pualin a thlawna Ui â hri danna pek beihpui thlak a ni. 7. JB Foundation hotute chuan Mizorama ran vulhtute chu an ran vulhte tha taka enkawl tur leh midang tana hnawksak ni lo turin an chah. 8. Champhai District chhungah Raltlan biometric enrolment update kalpui mek a ni. 9. Vawiin khan Evangelical Church of Maraland 'Chanchintha Thlen Ni' hman a ni. 10. Autonomous District Council pathuma Chief Executive Member te chu LADC, CEM Conference Hall, Lawngtlaiah an thukhawm. National: 1. Prime Minister Narendra Modi chuan kum 12 liam ta chhungin India rama khawpui leh thingtlang inthlauhna chu nasa takin a tlahniam tih a sawi. 2. Union Home Minister Amit Shah chuan thla leh October ni 5 hian Mizoram a rawn tlawh dawn. 3. CJI, Justice Surya Kant chuan naupang ruihhlo in a tihbuaite tanpui chu naupang humhalhna anga ngaih a tul thu a sawi. 4. Sawrkar Laipui chuan Manipur, Nagaland leh Arunachal Pradesh state chhunga 'disturbed areas'-ahte AFSPA hman hun chhung pawtsei. 5. Asian Games 2026 neih mekah, Indian women's kabaddi team chuan Iran chu point 37-34 a hnehin Gold Medal an la. 6. External Affairs Minister chuan sumdawnna lawng leh tuipuia hnathawkte beih an ni fo chu India-in veiawm a tih thu a sawi. 7. Iran chuan Strait of Hormuz tuipui kawng hawn a nih a, nuclear programme chungchanga inbiakna neih a nih theih dan tur rawtna US hnenah a thlen. Follow DD Mizoram:   / ddnewsmizoram     / ddnews_mizoram     / ddnewsmizoram