LEOFENUA : FAKA OSI AGA O SIOTA FIAFIA

Faka molemole mai ofa aga ote mafu He neheki au lava foki i siona ui atu Toku ofa ia koe mole ho'oná ia tatau Heau haga pé ô fùfù aki aku palá'lau Tuku kau tala aki atu lá hé itaku hiva Ke mahino atu kia tekoe ia sioku uhiga Au eva pe ite potu fuli peamô vaïvaïga Ka ko toku mafu etâ kia koe toko tahi ia Kote faka osi aga o siota fiafiá Refrain Koena pe nai tapu oie ô toku maulï Kuau avatu aki toku ofa keke iloï Ne fau kita ete má'fimá'fi pea mo tota kilï Keina û'ûfi aki te kakano pea mote huï Peamo kii manatu fuli o toku atamaï Nofo koe mo falala mole nai e toe feala Ki sioku mafu ke ava kihe tahi atu û mata He ko koe pe pea gata sii holi o toku tagata He kuake haga o lalava sii au kau mate kala