CHIKH ABDELLAH GHETTAF بسم الله عالم الخفية بسم احمد خاطري مونس

بَسْمِ الله عَالْمْ الخَفِية قَصِيدْ مُحَمّدْ بَنْ مْسَايَبْ ظَيْفًا جَانِي اوْقَفْ عْلِيَّ حَيِّيتُه بَالسَّلاَمْ وَ جْلَسْ قَبَّلْتْ ايْدُه وْ قُلْتْلُه أيَّا جُوزْ العَنْدِي بَنْعَالَكْ اعْفَسْ بَسْمِ الله عَ* قَبَّلْتْ ايْدُه وَ دَرْتْ خِّدِي تَحْتْ اقْدَامُه عْفَى وسَامَحْ قُلْتْ اليُومْ اسْتَقَامْ سَعْدِي رُوَّحْ لِمَنْ هَوِيتْ رَايَحْ جَانِي زَايَرْ وَ بَاتْ عَنْدِي * وَ اسْقِيتُه سَابْغْ اللُّوَامَحْ مَنْ حُسْ بْهَاهْ نَلْتْ قًصْدِي بَاتْ امْسَلِّي وَ بَتْ فَارَحْ ارْفَدْ عِينُه وْ شَافْ لِيَا ** بِيهْ انْمَرْحَبْ وقَطَعْ الحَسْ اتْقَدَّمْ قالْ لِي شْوِيَا العَبْ وَ اضْحَكْ وْزِيدْ نَفَّسْ بَسمْ الله عَ قابَلْنِي مَنْ هَوِيتْ وَقْعَدْ يَنْظَرْ لِيَ وْ نَنْظَرْ لُو مَرَّة مَرَّة مْنِينْ يَرْفَدْ * فِيَّا عِينُه نَنْتَبَهْلُو تَبَسَّمْ لِي مْنِينْ عَاهَدْ * يَدُّه لِيَدِّي و نَلْتْ شُغْلُو نَلْتْ المَطْلُوبْ لله الحَمْدْ** عَلِيَا اليُومْ بَانْ فَضْلُو احْمَدْ سِيدِي رْضَا عْلِيَا ** أعْطَفْ لِي مَنْ هَوِيتْ وَغْرَسْ عَالْمْ الخَفِيَّة * وَاسْمْ احْمَدْ حَاطْرِي امْوَنَّسْ اصْبَحْ رُوضِي اخْضَرْ مْنَعْنَع * مَتْزَخَفْ زَهِيَة اغْصَانُه بَنْوَاوَرْ كُلْ نُورْ يَصْطَعْ **بِينْ اشْجَرْ والوَرَاقْ بَانُوا اسْغَى لِي يَا لَبِيبْ وَ اسْمَعْ * وَ افْهَمْ قُولِي عْلَى تْقَانُه وَ احْكِيهْ لِكُلْ مَنْ تْوَلَّعْ * يَتْسَلَّى بِيهْ فِي زْمَانُه أذْكُرْ رَزَّاقْ كُلْ حِيَّا * مُجَبَّرْ عَظْمْ مَنْ تَهَرَّسْ بَسْمُه وَ اسْمْ الرَّسُولْ تَحْيَا * الارْوَحْ وَقَلْبْ كُلْ كِييَّسْ بِ= بَاتْ مْلِيحْ المِلاَحْ عَنْدِي * زَاهِي لاَعْبْ ضَحِيكْ فَارَحْا ضَيْفًا جَاء زَارْنِي وَ زُرْتُه *فِيهْ البَارَحْ اشْفَاتْ عِينِي افْرَحْ قَلْبِي مْنِينْ رِيتُه * زَالْ غْيَارِي وْزَالْ حُزْنِي أعْطَانِي الاوَّلْ شْرَبْتُه * وَ الثَّانِي قُلْتْلُه امْهَلْنِي وَ الثَّالَثْ منْ يَدُّه اخْطَفْتُه **زَادْ قْوَى فِيهْ حُسْنْ ظُنِّيً كْمَلْ الفرْحْ وَ الهَنِييَة **خَمْرَة تُوهَجْ اوْهِيجْ كِالشَّمْسْ تَظْهَرْ فِي الكَاس مُذْهَبِيَّة *ضْوِي تَشْعَلْ شْعِيلْ يبْرَسْ بَسمِ الله مَحْبُوبًا كُنْتْ بِيهْ نَهْضُو ** جَاء عَنْدِي وزَارْني البَارْحْ صَابْ أهْلِي و الحُسُودْ رَقْدُوا * وَ اللَّيلْ امْطَرَّخْ الجُوَانَحْ بَتْنَا فِي قَصْرْ رَفِيعْ مَجْدُه * مَكْمُولْ بَالزَّهْوْ وَ الفْرَاوَحْ المَنَاشِي وَ الشُّمُوعْ يُوقْدُوا * فُوقْ الحَسْكاتْ وَ المْصَابَحْ وَ الكَاسْ ايْدُورْ بَالحُمِييَّة * مُلاَت الزَّهْوْ لاَ تْنَقَّسْ حْلاَوَتْهَا عْسَلْ زَكِييَّة * مَطْيَبْهَا فِي الحْلُوقْ تَغْرَسْ بَسْمِ الله كِسَانْ الوَدْ لاَ تْمَثَّلْ * حْلاَوَتَهَا حَلِيبْ حَلْوَة كثَّرْ مَنْهُمْ وَ لاَ اتْقَلَّلْ * فِيهُمْ تَحْقِيقْ كُلْ نَشْوَة مَغْرُومْ العَشْقْ لُو اتْخَلْخَلْ *عَقْلُه وَ دَهَاهْ وَاشْ يَسْوَى لَلْقَلْبْ دْوَى وَ كُلْ مَفْصَلْ * شَرْبَهُمْ لُو هْنَاء وْ سَلْوَة عَنْدْ اهْلُه كُلْ عَرْقْ بَمْيَة * شْعَرْ بَالألْفْ المْدَنَّسْ وَ الِّلي سَايَبْ بْألْفْ دِييَّة * بَعْدْ انْ يَتْبَاع بِيعْ مُرْخَسْ بِسْمِ الله وَاحَدْ عِيشُه عَلَى شْفَاقَة * وَ الاَخُرْ غَلْبُه مْعَاشْ عِيشُه وْ وَاحَدْ مَكْرُوبْ تَعْبْ وَاشْقَاء *وْ لاَخُرْ رَاقَدْ فِي قَلْبْ فْراشُه وْ وَاحَدْ ذاقَتْ عَلِي حَلْقَة * لَبْدَا مْغَلَّبْ عْلِيهْ عَطْشُه وْ وَاحَدْ سَاعَتْ عَلِيهْ وَ بْقَى * يَتْمَتَّعْ فِي طِيبْ عِيشُه وْ وَاحَدْ رَزْقُه بْكُلْ سِييَّة **** لاَبَدْ كِالطِّيرْ المُقَرْنَصْ بَمْخَالَبْ مَا يْهَابْ حِيَّة شَاايْئًا شَافُه عَلِيهْ يَدْنَسْ بِسْمِ الله عَالْمْ الخَافِييَّة * وَ اسْمْ احْمَدْ خَاطْرِي امْوَنَّسْ نَطْلَبْ رَبُ البِصَاطْ الاعْلا يُوفِيلِي كُلْ مَا طَلَبْتُو نَرْجَا بِفَضْلْ عَاسَى وَ عَلاَّ يَجْمَعْ شَمْلِي بِمَنْ هَوِيتُه قَادَرْ فُكَّاكْ كُلْ حَصْلَة يَرْحَمْنِي بَعْدْ مَا عْصِيتُه يَغْفَرْلِي ذَنْبْ كُلْ زَلَّة صَدْرَتْ مَنَّي وَ مَا فَعَلْتُه يَوْمْ انْ تُبْعَثْ كُلْ حِييَا لَلْمَحْشَرْ كُلْهَا تُتَارَسْ النَفْسْ تَقُولْ ذالقَضِيَّة مَا اعْضَمْ اهْوَلْهَا يْهَرَّسْ بِسْمِ الله رَبّي بَالمُصْطَفَى اسْئَلْتَكْ و الأنْبِيَاء وَ كُلْ مُرْسَلْ وَاهْلْ التَّقْوَة وَ مَنْ يَحَبَّكْ * و تْحَبُه لَلْجَنَانْ يَدْخُلْ وَ اللِّي طَافُوا مَقَامْ بِيتَكْ شَايَبْ وَ شَبَابْ كَهْلْ وَطْفَلْ تَعْتَقْنِي لِأنِي عَصِيتَكْ حَرْتْ وَلاَ صَبْتْ كِيفْ نَعْمَلْ نَرْجَا بُو فَاطْمَة الزَّكِييَّة مُحَمَّدْ عَزْ كُلْ مَجْلَسْ يَشْفَعْ يَوْمْ الحِسَابْ فِييَّا يَوْمًا فِيهْ العَزِيزْ يَرْخُسْ بِسْمِ الله عَ** سَيدْ السَّدَاتْ بُو فَاطِمَة * صَاحِبُ الجُودْ وَ الكَرَايَمْ صَلَّى اللهَ عْلِيهْ دِيمَا * مَا دَامْ المُلْكْ بِيهْ قَايَمْ وَمْيَاتْ الْفْ صْلَاة عْمِيمَة * وَ مْيَاتْ الَفْ سَلاَمْ دَايَمْ مَا دَامَتْ حُكَّمْتُه مُقِيمَة * فِي قْيَامْ الخُلْدْ وَ النَّعَايَمْ الخُلْدْ فِي وَسْطَهَا هَنِييَّا وَ الحُورِيَاتْ كَا عْرَايَسْ وَ نْسَاء الدُنْيَا حُلَلْ و حُلْيَا * شَايْئًا فِيهَا اشْتَهَاتْ تَلْبَسْ بِسْمِ الله عَ تَمْ نْظَامِي الْبَدِيعْ لَزْهَرْ * مْصَنَّفْ بَمْحَاسْنُه السَّعِيدَة مَنْ عَنْدْ مُحَمّدْ بَنْ مْسَايَبْ ظَهَرْ *جَابُه فِي تْمَامْ ذَالقَصِيدَة بَعْدْ السَبْعِينْ عَامْ وَ شْهَرْ * وَ مْيَة وَ ألَفْ سْنَة عْدِيدَة يَسْتَسْلَمْ لَلْقَضَاء وَ يَصْبُرْ **مَنْ جَاتُه زُورْتُه بْعِيدْة يَا رَبِّي بَلَّغْ المْنِييَّة * وَ ابْعَثْنِي لَلْحَبِيبْ نَقْبَسْ مَنْ نُورُه خِيرْ البَرِية يَتْهَنَا خَاطْرِي وَ يَانَسْ بْسْمِ الله عَ