رفيحي حرب ألحان وأداء شادي جهينه🔥👏♥️

بديت بذكر خالقنا عظيم الشان مبدا القاف وذكر الله منهجنا بعدها الطيب نسعاله هواجيسي تجملني وشاعر ماعلي خلاف ليا حان الطلب ناقف سوى رجلي وخياله في واجب عزوة النتاف حي الاسم يالنتاف هل الشيخه هل التاريخ والافعال والطاله شداد العز بيديهم نهار ان السنين عجاف بحد السيف حامينه وكلن تذكر افعاله هلا يامرحبا ترحيب شيخن حامي الميقاف تراحيب الوفا للضيف منا ساعة اقباله هلا يامرحبا وعداد برقن لاح له رفراف يشوق العين براقه رعوده فاول خياله وضيف الحفل يقلط في محل الشامخ المضياف على سمن وسمين وكيفن اشقر دار فنجاله عوايدنا الوفا والجود ماهو من بخل واسراف على سلم العرب والضيف حنا نكرم سباله وحي الشيخ صالح شيخ طيب وكامل الاوصاف حكيم وعارفه يمناه تندى والنعم ناله ذرانا لاوقف كل الأمور الكايدات خفاف على شداده يحل المعضله من رقم جواله ابن مصلح رفيع المنزله بادي على المشراف عسا ربي يبيح الشايب اللي جود عياله على طيب النبا والطايله والعدل والانصاف وبيت العز شامخ بالوفا والعز فظلاله وصيت العز مايفنى وامير الفعل ماينحاف سليمان الامير اللي سنام المجد يرقاله اماره بالفعل والمجد ثابت مزبن العراف يحل المعضله والكايده والنعم تزهاله وله فاسمه نصيب وينتف ارقاب العدا سياف عقيد القوم يذعن اله ويثبت علمه ان قاله ومعبد عزوته وحزام عز الراس بالاكتاف معبد عسكر البارود ربعن تحمي القاله هل الافعال مجدا فوق مجدا شامخ وينضاف معبد عزوتي يومن عز الدار برجاله وحنا روس حرب وضلع شامخ ماهو بمهياف وحرب اهل الوفا والمجد من جاله ليا جاله يشوش الراس في حرب الدول ربع وسيوف رهاف كسبنا المجد بالافعال ماهو حبر في رساله هذا ليل السعد نوره على كل الدير كشاف نزف احمد وخالد والقصيد يزين مواله ياحي احمدحضر ناله مادون اهل الوفا محراف يادكتور الفخر والعز والامجاد منواله وخالد بالوفا يقدم شجيع ولايعود خلاف عسا ربي يبارك له بحفله والسعد فاله ومحفلنا يشرف بالوفا والطايله ينشاف حضور ضيوفنا وربوعنا اللي زين لياله@