鍾嘉欣新會舉行巡演 邀胡杏兒合唱盡顯姊妹情深

鍾嘉欣新會舉行巡演 邀胡杏兒合唱盡顯姊妹情深 鍾嘉欣 呢晚喺家鄉新會舉行巡迴演出，吸引大批粉絲支持，全場座無虛席。嘉欣以一身白色紗裙登場，仙氣十足。之後佢又嚟個形象大轉變，戴上黑超，著上短裙長boot嘅佢，勁歌熱舞，令全場氣温火速急升。 第一次嚟新會嘅嘉欣，大讚呢度嘅粉絲又乖又熱情，完全感受到大家對佢嘅愛，彼此就好似一家人咁親切。 呢次嘅演出，嘉欣嘅爸爸媽媽同埋老公，雖然未能到場支持，但係佢嘅閨蜜 胡杏兒 就專程嚟做嘉賓，杏兒更罕有大開金口同嘉欣一齊合唱，盡顯姊妹情深。嘉欣表示一直都好想同杏兒一齊喺台上唱歌，呢晚終於如願，佢仲大讚杏兒係一個好堅毅嘅女生，情緒又穩定，相反自己就經常喜怒形於色，所以佢好欣賞杏兒嘅性格。 #鍾嘉欣 #新會 #巡唱 #座無虛席 #仙氣十足 #勁歌熱舞 #粉絲 #一家人 #閨蜜 #胡杏兒 #嘉賓 #大開金口 #姊妹情深 #如願 #堅毅 #情緒穩定 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0