TATOLI ATUÁL - MOP sei halo estudu detalladu ba konstrusaun Ponte Laklo iha Alas

MANUFAHI, 12 Outubru 2026 (TATOLI) — Ministru Obras Públikas (MOP), Samuel Marçal, sei haruka ekipa téknika atu halo estudu detalladu ba konstrusaun Ponte Laklo, iha Postu Administrativu Alas, Munisípiu Manufahi, tanba ponte ne’e importante loos hodi fasilita asesu ba servisu saúde, liuliu durante tempu udan. Samuel Marçal hato’o informasaun ne’e bainhira hala’o vizita observasaun ba projetu konstrusaun estrada iha Postu Administrativu Alas, iha Sábadu (10/10), no informa katak ekipa téknika sei fila-fali hodi rekoilla dadus iha tereinu kona-ba mota Laklo hodi nune’e bale fasilita prosesu sira tuir mai.