«Էս գյուղը մեր ռայոնի սիրտն էր, ամենահարուստ գյուղը». Ուրասարի բնակիչ

Դրախտավայր դարձած աքսորավայրը, կամ ինչպես ջրաշուշանների լճի շնորհիվ բացահայտվեց Ուրասարի հմայքը: Լոռու մարզի Ուրասար գյուղը ծերացող չես անվանի, ծնվող երեխաների թվաքանակը տարեցտարի ավելանում է: Վերջին շրջանում գյուղում հյուրատներ ու ամառանոցներ են կառուցվել:Բնակավայրում երբևէ չնորոգված ճանապարհները վերջապես ասֆալտապատվել են, գյուղն ապահովվել է կապույտ վառելիքով,կառուցվել են նաև հանդիսությունների սրահ, և որ ամենակարևորն է՝ մանկապարտեզ: Այս ամենին զուգահեռ, սակայն, ինչպես ասում են՝ գյուղ չկա, որ խնդիր չունենա: