55 yildan buyon Boborahim Mashrabning g'azali bilan aytiladigan 'O'rtar' qo'shig'iga bag'ishlov

55 йилдан буён Бобораҳим Машрабнинг ғазали билан айтиладиган "Ўртар" қўшиғига бағишлов. Мазкур видеонинг асоси "Озодлик" радиосида 2014  йилнинг декабрида ёйинланган "Чодирхаёл" дастурининг “Таниш қўшиқлар” рукнидан иборат. Дастурда узоқ йиллардан бери тилдан тушмаëтган Бобораҳим Машраб ғазалига басталанган “Ўртар”қўшиғи мавзу қилиб олинган. Ўзбекистон халқ артисти Муроджон Аҳмедов тарафидан айтилган бу қўшиқ 1969 йили суратга олинган “Ўткан кунлар" фильмида янграганидан кейин машҳур бўлиб кетган эди. Дастур бошловчиси: "Озодлик" радиосида Абдулла Искандар тахаллуси билан фаолият юритган таниқли рассом ва журналист Шуҳрат Бобожон. / 55 yildan buyon Boborahim Mashrabning g'azali bilan aytiladigan "O'rtar" qo'shig'iga bag'ishlov. Mazkur videoning asosi "Ozodlik" radiosida 2014  yilning dekabrida yoyinlangan "Chodirxayol" dasturining “Tanish qoʻshiqlar” ruknidan iborat. Dasturda uzoq yillardan beri tildan tushmaëtgan Boborahim Mashrab gʻazaliga bastalangan “Oʻrtar”qoʻshigʻi mavzu qilib olingan. Oʻzbekiston xalq artisti Murodjon Ahmedov tarafidan aytilgan bu qoʻshig 1969 yili suratga olingan “Oʻtkan kunlar" filmida yangraganidan keyin mashhur boʻlib ketgan edi. Dastur boshlovchisi: "Ozodlik" radiosida Abdulla Iskandar taxallusi bilan faoliyat yuritgan taniqli rassom va jurnalist Shuhrat Bobojon. AGAR OSHIQLIG’IM AYTSAM Mashrab g’azali Agar oshiqlig’im aytsam, kuyub jonu jahon o’rtar, Bu ishq sirrin bayot etsam, taqi ul xonumon o’rtar. Kishiga ishq o’tidin zarraye yetsa, bo’lur giryon, Bo’lub besabru betoqat, yurak-bag’rim chunon o’rtar. Nechuk toqat qilay, do’stlar, bu dard ila bo’lub hayron, G’amim boshqa, alam boshqa, yuragimni fig’on o’rtar. Meni bexonumon tinmay kuyub har dam firoqingda, “Nigoro!” deb oting aytsamki, shavqingdin zabon o’rtar. Qayu til birla, ey jono, sening vasfing bayon aylay, Tilim lolu ko’zum giryon, so’ngaklarni nihon o’rtar. Na qattig’ kun ekan, dilbar, visolingdin judo bo’lmoq, Mening ohim o’tig’a bul zaminu osmon o’rtar. Yurakda dardu g’am qat-qatki, menda qolmadi toqat, Agar bu zarrasin bul vaqt desam, ishqi bayon o’rtar. Bu dard ila xarob o’ldum, kelib holimni so’rmassan, Unim chiqsa yurakdin, bu tanu jon, ustixon o’rtar. Bu Mashrab dardini, jono,ki hech kim boshig’a solma, Agar mahsharda oh ursam, bihishti jovidon o’rtar. ЎРТАР Агар ошиқлиғим айтсам, куюб жону жаҳон ўртар, Бу ишқ сиррин баёт этсам, тақи ул хонумон ўртар. Кишига ишқ ўтидин заррае етса, бўлур гирён, Бўлуб бесабру бетоқат, юрак-бағрим чунон ўртар. Нечук тоқат қилай, дўстлар, бу дард ила бўлуб ҳайрон, Ғамим бошқа, алам бошқа, юрагимни фиғон ўртар. Мени бехонумон тинмай куюб ҳар дам фироқингда, “Нигоро!” деб отинг айтсамки, шавқингдин забон ўртар. Қаю тил бирла, эй жоно, сенинг васфинг баён айлай, Тилим лолу кўзум гирён, сўнгакларни ниҳон ўртар. На қаттиғ кун экан, дилбар, висолингдин жудо бўлмоқ, Менинг оҳим ўтиға бул замину осмон ўртар. Юракда дарду ғам қат-қатки, менда қолмади тоқат, Агар бу заррасин бул вақт десам, ишқи баён ўртар. Бу дард ила хароб ўлдум, келиб ҳолимни сўрмассан, Уним чиқса юракдин, бу тану жон, устихон ўртар. Бу Машраб дардини, жоно,ки ҳеч ким бошиға солма, Агар маҳшарда оҳ урсам, биҳишти жовидон ўртар.