અમેરિકાની પોલીસ સામે હાથ જોડીને રડી પડ્યો ગુજરાતી યુવક

માય નેમ ઈઝ લક્ષિત પટેલ એન્ડ આઈ એમ ફ્રોમ ઈન્ડિયા.. અમેરિકાની પોલીસ સામે હાથ જોડીને રડી રહેલા આ યુવકની ઉંમર માત્ર 18 વર્ષ હતી.. પણ આટલી નાની ઉંમરમાં તેણે એટલા મોટા કાંડ કર્યા હતા કે ધરપકડ થયા બાદ તેના પર પાંચ લાખ ડોલરનો બોન્ડ મૂકવામાં આવ્યો હતો. નવાઈની વાત એ છે કે લક્ષિતને સ્ટૂડન્ટ વિઝા પર અમેરિકા પહોંચે માંડ એક મહિનો થયો હતો, પણ જાણે માત્રને માત્ર ડોલર છાપવા માટે જ યુએસ પહોંચ્યો હોય તેમ આ ભાઈ અમેરિકામાં પગ મૂકતા જ ગોલ્ડ અને કેશથી ભરેલા પાર્સલ ઉઠાવવામાં લાગી ગયો હતો.