“СОНИН” подкаст #59 Их Тэнгэр Чойхорын зайран Н.ГОНГОР ‪@Khishig.G‬

Билгийн тооллын 17 дугаар жарны “Сүрээр дарагч” хэмээх гал морин жилийн хаврын тэргүүн сар, цагаан сарын баярын дугаартаа "Сонин" подкаст, чөлөөт ярилцлага Их Тэнгэр Чойхорын зайран хүмүүст танигдсан нэр нь Гонгор (эцэг эхээс заяасан нэр нь Нарантуяагийн Баянхүү)-г урилаа. Билгийн тооллоороо морин жил ийнхүү гарах гэж байна. Харин жилийн заслыг заавал хийлгэх ёстой юу? Засал хийлгэх нь мухар сүсэг үү эсвэл ...? Их харш жил, бага харш жил гэж юу вэ? 33-ны мөчлөгийн домыг хийснээр насан туршдаа хэдэн үеэрээ сайхан амьдардаг гэж үнэн үү? зэрэг олон асуултад Гонгор зайрангаас хариулт нэхлээ. Түүнийг архинд урхидуулсан олон мянган хүнийг аварсан, олон айл гэрийг архинаас болж салж сарнилгүй үлдэхэд их буян болсон хүн гэж баяр бүрээр талархаж хүндэлж зорьж ирэх хүмүүс олон юм билээ. 15 мянга орчим хүн архины хамааралтай, эмчилгээ хийлгээд тусыг эс олсон гэж цөхөрсөн эх, эхнэрүүд Гонгор зайранг зорьж ирсээр, түүнээс 14 мянга орчим архины хамааралтай иргэнийг АРХИ гэх энэ албинаас салгаж чаджээ. Гал морин жилдээ айл бүр архидалтгүй, амар амгалан,инээд баяслаар цалгиж байх болтугай. ЭЛГЭЭРЭЭ ЭНХ АМГАЛАН ТӨРЛӨӨРӨӨ ТӨВШИН АМГАЛАН ЭЛБЭРЭЛТ АХАН ДҮҮС ЭРДЭНЭ МЭТ ГЭР БҮЛЭЭРЭЭ САР ШИНЭДЭЭ САЙХАН ШИНЭЛЭЭРЭЙ!!! 2026-02-15 Сэтгүүлч Г.Батхишиг