3 #അഷ്ടപദി പഠനം / സനാതന ധർമ്മത്തെക്കുറിച്ചുള്ള സാമാന്യമായ ചില അറിവുകൾ.(പ്രഭാഷണം)

ലളിതലവംഗലതാപരിശീലന കോമളമലയസമീരേ മധുകരനികരകരംബിത കോകില കൂജിത കുഞ്ജകുടീരേ വിഹരതി ഹരിരിഹ സരസവനാന്തേ നൃത്യതി യുവതിജനേന സമം സഖി വിരഹിജനസ്യ ദുരന്തേ ഉന്മദമദനമനോരഥപഥികവധൂജനജനിതവിലാപേ അളികുലസങ്കുലകുസുമസമൂഹനിരാകുലബകുളകലാപേ മൃഗമദസൌരഭരഭസവശംവദ നവദളമാലതമാലേ യുവജനഹൃദയവിദാരണമനസിജനഖരുചികിംശുകജാലേ മദനമഹീപതികനകദണ്ഡരുചികേസരകുസുമവികാസേ മിളിതശിലീമുഖ പാടലിപടലകൃതസ്മരതൂണവിലാസേ വിഗളിതലജ്ജിതജഗദവലോകനതരുണകരണകൃതഹാസേ വിരഹിനികൃന്തന കുന്തമുഖാകൃതി കേതകിദന്തുരിതാശേ മാധവികാപരിമളലളിതേ നവമാലികയാതിസുഗന്ധൌ മുനിമനസാമപി മോഹനകാരിണിതരുണാകാരണബന്ധൌ സ്ഫുരദതിമുക്തലതാപരിരംഭണമുകുളിത പുളകിത ചൂതേ വൃന്ദാവനവിപിനേ പരിസരപരിഗതയമുനാജലപൂതേ ശ്രീജയദേവ ഭണിതമിദമുദയതി ഹരിചരണസ്മൃതിസാരം സരസവസന്തസമയവനവർണ്ണനമനുഗതമദനവികാരം