Ikbel GABSI LAADOUZ - Hammamet, on my mind (ريحة الحمامات) - Chanson Tunisienne

🎵 Titre : Hammamet, on my mind ريحة الحمامات 🎤 Artiste : Ikbel GABSI LAADOUZ 📝 Paroles : Écrit et composé textuellement par Ikbel GABSI LAADOUZ© (Tous droits réservés) 🎛️ Production & Musique : Composé avec l'assistance de l'IA Suno (Licence Commerciale Pro valide) 📄 ID de Licence Suno : https://suno.com/s/Ytped2bGOkmZWshS Une immersion nostalgique et chaleureuse dans les ruelles, les parfums et les souvenirs d'enfance de Hammamet et du Cap Bon Tunisie PAROLES / LYRICS :كحلاية زَيْت زَيْتونة وُفَاشْكَة ماء اِزْهَرْ مشموم فِلْ وياسمين مرشوق على الْوُذِن قَرْطَلَّة مَادَنِينَة وُبُرِّكْدَانْ إحْلُو وُمِفْرِدْ امْزَيَّن بِكَعَيْبَاتْ قَارِصْ واكْرِيمة… ريحة الحمّامات وسنين من عمري، ريحة بارشة بنينة. محلاها العيشة… عيشتنا امْتَعْ بِكْرِي مهما نبعد على الحمّامات كلمات وذكريات وتبقى ريحتها الى الممات مِلِّي أنا صغيرة وَكَّرَّتْ إنعوم كلّ يوم في الِّبْحَرْ, الدِّرَيْبَة والا الياسمينة في القايلة والشمس تنحر، رِيشِيَّةْ عَلَى لِكْتِفْ وُنُغْزُرْ لِرَّمَلْ جَوْهَرْ يِجْهَرْ، وِالتِّرْرِشْ اِلْتَوَّا كِيمَا هُوَّ ماعَنْدُوشْ كَرْ وَفَرْ . مَعَ لَعْشِيَّةْ نَهْبَطْ لِلِّبْلَادْ نِلْقَاهَا تِهْوِشْ بِالَّعْبَادْ، نعمل دَوْرَةْ وِإنْشُوفْ الاصحابْ والاحبابْ، ونقعدوا على الِّقْصِيمَةْ وانْدَلِّدْلُوا ساقَيْنَا وَحْنَا مرتاحين البَالْ اِبْرَيْكَةْ من عَنِّدْ عمّك اللِّيشْ وجِيلَاطَةْ من عَند رابَحْ والا كازوزة الخليج. وقت القراية جاء، طبليّة جديدة وابْلُومَةْ رِيشِتْهَا بِالِّكْدَاء، وفي مَكْتَبْ اشَّابِّي اتعرّفت على ناس وقْعَدْنَا أصحاب لِلسِّنَاء. في قِسْمِ الشَّطْ عَدَّيِّتْ عام احْلُو ما يِتِّنْسَاشِي. يا حسرة على أيّامات سي فِهْرِي الْخَافِي، اِيهِزّنا على حَرِّفْ لِبْحَرْ شادِّينْ الصَّفْ والْجَوْ دَافِي، اِوْقَيِّتْ تحفيظْ الأناشيد وانشِدّوا في امْخَاِخْنَا بالباهي. قُدَّامْ الْمَكْتَبْ، كَيْيُوسَة تبيع الزَّعْرُورْ وِفْرِيكَاسِي وِيتْوِيتْ وقت الراحة اِيدُورْ. طَوُّلُوا بَالْكُمْ، مازِلْتْ بَاشْ نحكي على العيد الصّغيرْ، وِلِى دار احْبِيبْتِي عالصّباحْ مَاشْيِينْ، دُوبَةْ ناخذ عِيدِي… وِالْمَشَارِيعْ تِبْدَا اِدُّورْ في راسي. دِيرَاكِتْ نَهِّبْطْ لِلّقُبْلَةْ، لُعَبْ وُحَلْوَى جِلِّجْلَانْ نشري وُتِلقاني ماذَابِيَّةْ على الفُوشِيكَةْ في البطْحَةْ نَعْاِمْلُوا جَوْ وِاتْفَرْهِيدَةْ. الجَّبَّانَةْ ما فيهاشْ نِقَاشْ، نِتَّرَحّموا ونقراوُا الفاتحة وتُغْزُرْ للوجوه الْلِّمْكَشْبَرَةْ، ما تلقاش. أمّا في الشتاء، السّهرةْ على الكانونْ، وفطاير الحِلْبَةْ سخون، زيارة لِلِلَّاِ خْدِيجَةْ، ادْفا والعيشة. بَعِّدْ مِحْوَاسِةِ اجِّبَلْ، اتْبَحْبِيحَا في حوض ماء اِمْكَبْرَتْ مع اِتْشَيْشَةْ اِطْفَلْ، تِتْلَذِّذْ في اقْهَيْوَى عَرْبِي وُخُبِّزْ طابونَة بَعْسَلْ انّحَلْ. محلاها العيشة… عيشتنا امْتَعْ بِكْرِي ومهما نعيش بعيد تبقى في بالي بلادي ووكري نَرْجَعْ لِصَّيْفِيَّةْ، مازالْ عندي ما نحكي على السّهريّة السُّبُولَةْ فوق الكانونْ مِشْوِيَّةْ وُبرَّادْ التَّايْ على المُجْمَارَةْ المُطْلِيَّة وُ دِيمَا نِسْتَنَّى في الطَّبْخَةْ الِّخْرَانِيَّةْ. نِتْذَكَّرْ الْعِيدْ الْلِكْبِيرْ والْلَعْلَالِشْ مِتِّكْكِيًّةْ خُبِّزْ بِالْلِمْجَامَعْ وِالْخِدْمِي أُمْمُضِّيَّةْ وفي المَوْلِدْ النَّبَوِي الْمَدْمُوجَةْ مِرْحِيَّةْ واصْغَارْ الكُتَّابْ الصَّوِّتْ واصِلْ لِثّنِيَّةْ وِبِالتَّكْبِيرَةْ على الرَّسُولْ مِتْغِنِّيَةْ. في الحمّامات، كلّ حَوْمَةْ عَنِّدْها رِيحِتْها وُكلّ نَهّجْ فيه اِحْكايَة محفورة في ذَاكْرِتْها من الْلِبْلَدْ لِدَّبْدَابْ نُوصِلْ للِحْوَانِتْ نَقْضِي، ومن الْلَاكَارْ وُسُوق الْلِخْمِيسْ لِجَّبْلِي وَيِّنْ نِمْشِي، نِلْقَى الأقارِبْ وذِكْرَى تستنّاني وِحْجَر ْ اِقْديم يَحْكِي على أيّام ازْماني #Hammamet #ChansonTunisienne #IkbelGabsiLaadouz #Tunisie #SunoAI #CapBon #Mezoued #Tarab # Authentic #HammametCoastalSong # warm #TunisianPronunciation # Nostalgic # JoyfulStory # bendir # darbuka # oud #Violin #modern #LebanesePop #Melodic #عربية #لبنان# الحمامات #أغنية_تونسية #الوطن_القبلي #تونس #مزود