✨足本訪問：林家謙為徐小鳳退碟傳聞解畫🗣️贈Jeffrey靚襪玩食字《已出之物》🎶胡杏兒大方回應老公與前度黃宗澤世紀擁抱：正常問候❗大讚張凌赫好靚仔 掌摑戲唔借位驚被fans溶｜Viu1現場實況

✨足本訪問：林家謙為徐小鳳退碟傳聞解畫🗣向顧家輝致敬有壓力 贈Jeffrey靚襪玩食字《已出之物》🎶 繼續被Tyson追歌❓胡杏兒大方回應老公與前度黃宗澤「世紀擁抱」🫂：好正常問候❗大讚張凌赫好靚仔 掌摑戲唔借位驚被fans溶｜Viu1現場實況 胡杏兒今日喺慈善演唱會同班小朋友合唱《陪著你走》，話囝囝s有嚟support佢呀！提到佢喺陸劇《這一秒過火》飾演惡母，杏兒笑話現實中對小朋友都係好惡，唔乖會即刻鬧，但就唔係劇中嗰種惡得咁極端嘅！杏兒指都有留意陳凱琳戲院風波，話平時出街都會驚小朋友影響其他人，所以都會多加留意，始終出到街唔同喺屋企！ 講返另一個「仔仔」張凌赫，杏兒心心眼讚不絕口：「真係好靚仔！」唔知對比起老公李乘德，邊個靚仔啲先？佢繼續話凌赫嘅專業態度好抵讚，好有演技天分，又笑指拍掌摑戲係全借位，都怕被對方啲fans「溶」呀！ 提及老公喺馬來西亞偶遇前度Bosco黃宗澤，發揮擁抱者精神起身「世紀擁抱」，杏兒大方話大家都係成年人，曾經拍拖呢件事亦過咗咁耐，只係正常嘅問候！不過佢就爆老公冇同佢講有呢件事喎，點解嘅？驚尷尬？ 林家謙、Jeffrey喺音樂會後半part出場，事隔一段時間再見放假中嘅家謙，問返佢被徐小鳳稱呼做「家謙哥哥」，家謙話覺得古怪、有趣又榮幸，仲有為傳小鳳姐退返佢隻碟解話添！家謙幾時放完假？製作新碟向顧家輝致敬有冇壓力？最鍾意前輩嘅邊首歌？ 講起呢日Jeffrey首唱新歌《已出之物》，佢即時開心到起啖，笑爆嘴！煨Sir爆獲家謙贈已出之「襪」小禮物，再將自創金句「物質情義重」改為「襪質情對重」，創意100分！當呢對老友合體永遠都有笑料！ 講到新歌MV搵嚟女神Nancy做女主角，繼《How could you?》二度合作，佢否認整喊Nancy，解釋係對方眼淺啫，對被網民封「最高顏值組合」有咩感受？Jeffrey怕醜將個波掉畀家謙，家謙又點樣答？覺得係唔係？問到家謙有冇聽Jeffrey新歌嗰陣，佢爆私下被Jeffrey轟炸，首新歌聽咗幾百次，仲畀埋意見，咁可以收咨詢費喎！咁唔知另一老友Tyson Yoshi又有冇追佢首結婚歌？家謙仲講咗咩爛gag？有留意ViuTV熱播劇《日落下的彩虹》cover佢首《記得》？足本訪問有得睇啦！ #林家謙 #魏浚笙 #胡杏兒 #張凌赫 #李乘德 #黃宗澤 #足本訪問 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG同Facebook page呀👇🏻 _____________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/@viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com