ເກົ້າຊາດ ຮ້ອຍຊີວິດ

ກ່ອນທີ່ອ້າຍຈະໄດ້ຮູ້ຈັກນ້ອງ ອ້າຍເຄີຍຄິດວ່ານ້ອງກໍແຄ່ຄົນງາມ ເຫັນຮອຍຍິ້ມ ເຫັນແວວຕາທີ່ຫວານ ກໍບໍ່ເຄີຍຄິດວ່າຈະຮັກຈົນໝົດໃຈ ແຕ່ພໍໄດ້ຮູ້ຈັກ ໄດ້ເວົ້າຈາ ໄດ້ເຫັນຕົວຕົນຂອງນ້ອງທີ່ຢູ່ຂ້າງໃນ ຄວາມງາມຂອງນ້ອງ ບໍ່ແມ່ນພຽງໃບໜ້າ ແຕ່ແມ່ນຫົວໃຈ ທີ່ເຮັດໃຫ້ອ້າຍຮັກນ້ອງ ອ້າຍຮູ້ວ່າອາດມີຫຼາຍຄົນບໍ່ເຂົ້າໃຈ ອາດມີຄຳເວົ້າຫຼາຍຢ່າງຈາກຄົນຮອບຂ້າງ ແຕ່ຖ້າຫົວໃຈນ້ອງຍັງມີອ້າຍຢູ່ ອ້າຍກໍບໍ່ຢ້ານຫຍັງອີກແລ້ວ ຖ້ານ້ອງບໍ່ລັງກຽດ ແລະຮັບອ້າຍໄດ້ ອາຍຸຈະຫ່າງກັນປານໃດ ກໍບໍ່ສຳຄັນ ເພາະອາຍຸເປັນພຽງຕົວເລກໃນປະຕິທິນ ແຕ່ຄວາມຮັກຂອງອ້າຍ ມັນຢູ່ໃນຫົວໃຈ ຖ້ານ້ອງພ້ອມ ຈະເດີນໄປນຳອ້າຍ ອ້າຍກໍພ້ອມຈັບມືນ້ອງ ບໍ່ປ່ອຍໄປ ໃຫ້ໂລກຈະເວົ້າຫຍັງ ໃຫ້ຄົນຈະຕັດສິນແນວໃດ ອ້າຍບໍ່ຢ້ານ... ຂໍພຽງນ້ອງຮັກອ້າຍ ບາງຄົນອາດຖາມວ່າ ເຮົາຈະໄປກັນໄດ້ບໍ ບາງຄົນອາດຫົວເລາະ ແລະເວົ້າວ່າເຮົາບ້າ ແຕ່ຄົນທີ່ບໍ່ໄດ້ຢູ່ໃນຫົວໃຈຂອງເຮົາ ຈະຮູ້ໄດ້ແນວໃດ ວ່າເຮົາຮັກກັນຫຼາຍປານໃດ ອ້າຍບໍ່ຂໍໃຫ້ນ້ອງລືມທຸກຢ່າງ ບໍ່ຂໍໃຫ້ນ້ອງຝືນໃຈເພາະອ້າຍ ອ້າຍຂໍພຽງໃຫ້ນ້ອງເບິ່ງທີ່ຫົວໃຈ ແລະຖາມຕົວເອງວ່າ... ນ້ອງຮັກອ້າຍບໍ? ຖ້າຄຳຕອບຈາກໃຈນ້ອງຄືກັນ ອ້າຍສັນຍາຈະຮັກແລະດູແລນ້ອງ ບໍ່ວ່າວັນນີ້ ຫຼືມື້ຂ້າງໜ້າ ອ້າຍຈະບໍ່ໃຫ້ນ້ອງຕ້ອງຢູ່ຄົນດຽວ ຖ້ານ້ອງບໍ່ລັງກຽດ ແລະຮັບອ້າຍໄດ້ ອາຍຸຈະຫ່າງກັນປານໃດ ກໍບໍ່ສຳຄັນ ເພາະອາຍຸເປັນພຽງຕົວເລກໃນປະຕິທິນ ແຕ່ຄວາມຮັກຂອງອ້າຍ ມັນຢູ່ໃນຫົວໃຈ ຖ້ານ້ອງພ້ອມ ຈະເດີນໄປນຳອ້າຍ ອ້າຍກໍພ້ອມຈັບມືນ້ອງ ບໍ່ປ່ອຍໄປ ໃຫ້ໂລກຈະເວົ້າຫຍັງ ໃຫ້ຄົນຈະຕັດສິນແນວໃດ ອ້າຍບໍ່ຢ້ານ... ຂໍພຽງນ້ອງຮັກອ້າຍ ຖ້າຊາດນີ້.... ເຮົາໄດ້ພົບກັນຊ້າເກີນໄປ ອາດິດຂອງອ້າຍທີ່ລ້າງບໍ່ໄດ້...ນ້ອງຮັບບໍ່ໄດ້ ຖ້າເວລາບໍ່ເຂົ້າຂ້າງເຮົາ ອ້າຍກໍຈະຝາກຄວາມຮັກນີ້ໄວ້ ແລະຫວັງວ່າ... ຊາດໜ້າເຮົາຈະພົບກັນໄວກວ່ານີ້ ເກົ້າຊາດ... ຮ້ອຍຊີວິດ... ຖ້ານ້ອງຍັງຈື່ຈຳອ້າຍໄດ້ ບໍ່ວ່ານ້ອງຈະເກີດຢູ່ໃສ ແລະອ້າຍຈະເກີດເປັນໃຜ ເກີດຢູ່ຊາດໃດ.ອ້າຍຈະຕາມຫານ້ອງ... ແລະຮັກນ້ອງຄືເກົ່າ... ເກົ້າຊາດ ຮ້ອຍຊີວິດ ອ້າຍກໍຈະຮັກນ້ອງ ຕໍ່ໃຫ້ໂລກປ່ຽນໄປ ຫົວໃຈອ້າຍບໍ່ປ່ຽນ ຕໍ່ໃຫ້ມີກຳແພງກັ້ນ ຫຼືມີຄົນຄັດຄ້ານ ອ້າຍກໍຍັງເລືອກນ້ອງ... ຄົນດຽວເທົ່ານັ້ນ ຖ້ານ້ອງພ້ອມ ອ້າຍກໍພ້ອມຈະໄປ ຈະຈັບມືນ້ອງ ກ້າວໄປພ້ອມກັນ ໃຫ້ສັງຄົມຈະປະນາມ ໃຫ້ໃຜຈະເວົ້າແນວໃດ ຂໍພຽງນ້ອງຮັກອ້າຍ... ອ້າຍກໍບໍ່ຢ້ານ ເກົ້າຊາດ... ຮ້ອຍຊີວິດ... ຖ້າໄດ້ພົບນ້ອງອີກຄັ້ງ... ອ້າຍຈະຮັກນ້ອງຄືເກົ່າ... ແລະຈະຮັກ... ຫຼາຍກວ່າເກົ່າ.