Masallıda camışçılığa maraq artıb

Masallıda bir vaxtlar sıradan çıxmış camışçılıq təsərrüfatları yenidən dirçəldilir.Rayonda bu sahə üçün münbit şəraitin olması fermerlərdə çamışçılığa böyük maraq yaradıb. Masallıda camışçılıq təsərrüfatını inkişaf etdirmək üçün su hövzələri və qamışlıq ərazilər kifayət qədərdir. Fermerlər camış saxlamağı iqtisadi cəhətdən daha sərfəli hesab edirlər. Çünki camışdan alınan məhsul bazarda yüksək qiymətə satılır. Fermer Səməd Fətullayev:“ İnəyin südü 50 qəpikdir, camışın südü 1 manat 20, 1manat 30 qəpikdir. İnəyin yağı 8 manatdır, camışın yağı 12 manatdır. Camışdan 6-7 litr süd alınır,yerli inəklər isə 3-4 litr süd alınır. Ona görə də bizim rayonda camış sərf edir” Bu təsərrüfat növü mal-qaraya nisbətən daha az xərc tələb edir. Camış günün çox hissəsini su hövzələrində və qamışlıqda keçirdiyindən qidanı da özü üçün orada təmin edir. Camışlar həm də xəstəliyə daha davamlıdır Baytar-həkim Kamal Abdinov:“ Camış digər iribuynuzlu heyvanlarla müqayisədə xəstəliyə az yoluxur. Camış ən çox pasterlyoz xəstəliyinə yoluxa bilər. Fermerlər ödənişli qaydada peyvənd alıb, istifadə edirlər.” Bu sahədə təsərrüfat sahiblərinin üzləşdiyi yeganə problem isti yay fəslində su-bataqlıq ərazilərin quruduğu zaman baş verir Elnur Ələkbərov, Elviz Nəsirli, Masallı