StarTalk｜陳家樂入行23年重拾歌手夢 為愛女小星星寫歌記載父女情

StarTalk｜陳家樂入行23年重拾歌手夢 為愛女小星星寫歌記載父女情 陳家樂 近日推出新歌《我們都是無名氏》，呢日佢作客《StarTalk》同主持 許文軒 大談重拾23年前參加新秀歌唱時嘅感覺，回想當時只得16歲左右，朋友幫佢報名就去試吓，結果幸運地進入16強，獻唱幾句就被叮出局，深刻記得其中一位評判就係容祖兒，家樂膽粗粗去詢問祖兒覺得佢唱成點，結果祖兒只係拋下一句「你大個啲先啦」。 家樂今次對自己嘅作品好認真處理，更有份參與填詞，老婆連詩雅雖然讚佢嘅文字概念好，但喺咬字發音方面難以演繹，當時家樂唔相信，一心只係想將啲高深字眼擺落去，又代表到自己嘅故事就可以，後尾先意識到點解。 之前家樂喺新歌發布會上獻唱，佢話呢個宣傳對佢嚟講好吃力，因為結婚時對老婆唱出《只要和你在一起》時，全程都好感觸唱到好難聽，所以佢好想成功挑戰呢首歌。 家樂新歌獻給一啲曾經幫助過佢嘅人，未來佢會度身訂造歌曲俾老婆同阿女小星星，因為自從做咗爸爸後，家樂見證女兒成長轉變得太快，好想用歌曲去記載父女情，之後亦會為太太寫詞。 #StarTalk #陳家樂 #我們都是無名氏 #新秀 #容祖兒 #連詩雅 #只要和你在一起 #小星星 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0