"1 Mart - Beynəlxalq Mülki Müdafiə Günü"

Göygöl rayon Köşkü kənd tam orta məktəbində "1 Mart – Beynəlxalq Mülki Müdafiə Günü" münasibətilə maarifləndirici tədbir keçirildi. Tədbirin təşkilatçısı məktəbin hərbi rəhbəri Elsevər Verdiyev oldu. Tədbirin əsas məqsədi şagirdlərə fövqəladə hallarda – zəlzələ, yanğın və digər təbii və texnogen hadisələr zamanı özlərini necə qorumağı öyrətmək, həmçinin ilkin tibbi yardımın vacibliyini izah etmək idi. Elsevər müəllim bu mövzularda ətraflı məlumat verərək, təhlükəsizlik qaydaları və təxliyə prosesləri haqqında danışdı. Daha sonra nəzəri biliklərin praktiki tətbiqi həyata keçirildi. Şagirdlər yanğın zamanı düzgün hərəkət etmə, zəlzələ zamanı təhlükəsiz sığınacaq tapma və ilkin tibbi yardım göstərmə qaydalarını praktik olaraq öyrəndilər. Tədbir şagirdlər üçün həm maarifləndirici, həm də maraqlı oldu. Belə tədbirlər onların fövqəladə vəziyyətlərdə daha hazırlıqlı olmasına kömək edir.