វត្តព្រៃឆ្លាក់ ក្រុងស្វាយរៀង : ព្រះមហាថេរដែលមានវស្សាចាស់ នៅក្នុងព្រះពុទ្ធសាសនា

វត្តព្រៃឆ្លាក់ ក្រុងស្វាយរៀង ថ្ងៃសុក្រ ៨កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ ព្រះគ្រូគន្ធធម្មោសៅ សំអ៊ាន ព្រះវិន័យធរអនុគណក្រុងស្វាយរៀង បានដឹកនាំព្រះមន្រ្តីសង្ឃ ជំនួយការ ព្រះគ្រូចៅអធិការគ្រប់វត្ត ព្រះសង្ឃគ្រប់អង្គក្នុងក្រុងស្វាយរៀង និមន្តយកកិច្ចវត្តប្រណិប័ត ចំពោះ ព្រះជោតិវរញាណ សុខ សារិន ព្រះឧបជ្ឈាយ៌ប្រចាំក្រុង និងព្រះសច្ចកល្យាណ យ៉ន សុខសាន ព្រះគ្រូធម្មបាលវង្សា ព្រះអនុគណក្រុងស្វាយរៀង ការយកកិច្ចវត្តនេះគឺជាកាតព្វកិច្ច និងជាការបដិបត្តិដ៏សំខាន់បំផុតចំពោះព្រះមហាថេរដែលមានវស្សាចាស់ នៅក្នុងព្រះពុទ្ធសាសនា ដើម្បីបង្ហាញនូវសេចក្តីគោរព កតញ្ញូ និងបង្កើតនូវទំនាក់ទំនងល្អរវាងគ្រូ និងសិស្ស និងរក្សាបាននូវប្រពៃណី ការសាមគ្គីសង្ឃ និងសង្ឃ ។