SMD School Song Written by the Venerable Late Khenchen Thrangu Rinpoche.

༄༅། །བྱམས་བརྩེའི་བཀའ་སློབ། བཀྲ་ཤིས་གླིང་གི་སློབ་གྲྭར། ། ཕ་མ་བཟང་པོའི་དྲིན་ལས། ། ཆོས་དང་རིག་གཞུང་གཉིས་ལ། ། སྦྱང་བའི་གོ་སྐབས་ཐོབ་བྱུང་། ། འཛམ་གླིང་ནུབ་ཕྱོགས་རིག་གསར། ། བལྟ་བའི་མིག་དང་འདྲ་བ། ། ཧི་མ་ལ་ཡི་རིག་གཞུང་། ། ཁོག་པའི་སྙིང་དང་འདྲ་འདུག ། དེ་གཉིས་མཉམ་དུ་འཛོམས་ན། ། དགའ་སྤྲོའི་བདེ་སྐྱིད་ཐོབ་ཡོང་། ། ང་ཚོ་སློབ་ཕྲུག་ཕོ་མོ། ། སློབ་སྦྱོང་ཡག་པོ་བགྱིས་དང། ། ཤེས་ཡོན་བདེ་སྐྱིད་མི་ཚེ། ། ཐག་རིང་རྒྱང་ལ་མི་འདུག ། ལག་པའི་མཐིལ་ལ་ལེན་ཆོག ། ཆང་དང་ཐ་མག་ནག་པོ། ། ཕ་མར་བརྩེ་གདུང་མེད་པ། ། སྤྱོད་ངན་མི་རིགས་ཞབས་འདྲེན། ། རྒྱང་ཐག་རིང་པོར་གཡུགས་ཤོག ། དྲིན་ཅན་ཕ་མའི་ལམ་སྟོན། ། དགེ་རྒན་བཟང་པོའི་བསླབ་བྱ། ། མ་བརྗེད་སེམས་ལ་བཞག་ན། ། སྐྱིད་པའི་ཉི་མ་ཤར་ཡོང་། ། ཞེས་སློབ་གྲྭ་འདི་ཉིད་གསར་འཛུགས་བྱེད་པོ་ཁྲ་འགུ་སྤྲུལ་མིང་པས་བྲིས་པ་དགེ།