Мурочиати НУРУЛЛО ба ракиб / Маросими ру ба ру Александр - Евлоев ва Пётр Ян - Мераб Двалишвили

Пётр Ян ва Мераб Двалишвили пеш аз муҳорибаи сеюми худ бо ҳам рӯ ба рӯ шуда, ба якдигар нигоҳ карданд. Ин лаҳза пеш аз рақобати навбатии онҳо дар мусобиқаи UFC 333, ки рӯзи 24 октябр дар шаҳри Абу-Дабии Амороти Муттаҳидаи Араб баргузор мешавад, сурат гирифт. Таърихи рақобати ин ду ҷанговар аз соли 2023 оғоз мешавад. Дар муҳорибаи аввал Мераб Двалишвили бо қарори доварон ғолиб омад. Аммо моҳи декабри соли 2025 Пётр Ян тавонист мағлубияти худро ҷуброн кунад: ӯ Мерабро шикаст дода, камарбанди қаҳрамонии UFC-ро дар вазни сабуктарин ба даст овард. Акнун ин ду рақиб бори сеюм бо ҳам рӯ ба рӯ мешаванд. Барои Мераб ин имкониятест, ки қаҳрамониро баргардонад, аммо Пётр Ян мехоҳад бори дигар исбот кунад, ки сазовори камарбанди қаҳрамонӣ аст. ——— Дар баробари муҳорибаи Пётр Ян ва Мераб Двалишвили, дар мусобиқаи UFC 333 боз як рақобати муҳим баргузор мешавад. Қаҳрамони феълии UFC Александр Валкановски бо размикори мағлубнашуда Мовсар Йевлоев рӯ ба рӯ мешавад. Ин ду ҷанговар низ пеш аз муҳориба бо ҳам рӯ ба рӯ шуданд. Александр Валкановски 38-сола буда, аз соли 2016 дар UFC баромад мекунад. Ӯ соли 2019 бори аввал қаҳрамони UFC дар вазни нимсабук шуд ва баъдан панҷ маротиба камарбанди худро ҳимоя кард. Валкановски дар ин ташкилот таҷрибаи зиёд дорад ва яке аз размикорони маъруфи ин вазн ба ҳисоб меравад. Рақиби ӯ Мовсар Йевлоев 32-сола аст ва аз соли 2019 дар UFC баромад мекунад. Ӯ то имрӯз дар ин ташкилот 10 пирӯзӣ ба даст оварда, ягон бор мағлуб нашудааст. Акнун Йевлоев имконият дорад, ки бо пирӯзӣ бар Валкановски барои ба даст овардани унвони қаҳрамонӣ қадами муҳим гузорад. Ин муҳориба рӯзи 24 октябр дар мусобиқаи UFC 333 дар шаҳри Абу-Дабӣ баргузор мешавад. Мухлисон мунтазиранд, ки оё Валкановски таҷрибаи худро истифода мебарад ё Йевлоев силсилаи пирӯзиҳои худро идома медиҳад. —- Ҳамзат Чимаев мехоҳад бори дигар қаҳрамони UFC шавад ва барои расидан ба ин ҳадаф омода аст, ки бо Шон Стрикленд рӯ ба рӯ шавад. Ӯ дар мусоҳибаи худ дар бораи камарбанди қаҳрамонӣ ва рақобаташ бо Стрикленд сухан гуфта, ба қаҳрамони амрикоӣ эрод гирифт. Ба гуфтаи Чимаев, дар муҳорибаи қаблӣ ӯ худро ғолиб медонист, зеро тамоми рақобат ба пеш ҳаракат мекард, ба рақибаш фишор меовард ва зарбаҳои сахт мезад. Аммо доварон пирӯзиро ба рақибаш доданд. Бо вуҷуди ин, Ҳамзат мегӯяд, ки намехоҳад аз натиҷа шикоят кунад ва ҳоло нияти асосиаш баргардондани камарбанди қаҳрамонӣ аст. Чимаев ҳамчунин гуфт, ки нисбат ба Стрикленд панҷ маротиба бештар пул кор мекунад. Ӯ таъкид кард, ки Стрикленд бояд бо ӯ муҳориба мекард, аммо кӯшиш кардааст, ки рақиби дигар пайдо кунад ва ҳоло аз маблағи кам шикоят мекунад. Ёдовар мешавем, ки Ҳамзат Чимаев мехоҳад дубора барои унвони қаҳрамонӣ мубориза барад ва суханони охиринаш нишон медиҳанд, ки рақобаташ бо Шон Стрикленд ҳанӯз ба охир нарасидааст. ——— ——- Нурулло Алиев пас аз пирӯзӣ бар Майк Дэвиси амрикоӣ дар бораи баҳси байни онҳо пас аз муҳориба сухан гуфт. Ин рақобат э 25 июли дар мусобиқаи UFC дар Абу-Дабӣ баргузор шуда буд ва Нурулло бо қарори доварон ғолиб омад. Аммо баъди анҷоми муҳориба Дэвис аз тарзи ракобати чанговари тоҷик норозигӣ карда, ӯро дар назди мардум танқид намуд. Нурулло дар мусоҳибаи худ гуфт, ки баъди муҳориба онҳо Майкро дар тамоми меҳмонхона ҷустуҷӯ карданд, зеро мехостанд бо ӯ суҳбат кунанд ва сабаби рафторашро фаҳманд. Ба гуфтаи Нурулло, мураббиаш ҳатто ба Дэвис пешниҳод кардааст, ки ба толори тамрин биёяд, то агар гапе дошта бошад, рӯ ба рӯ суҳбат кунанд. Размикори тоҷик таъкид кард, ки дар ММА ҳар як ҷанговар нақшаи худро дорад ва муҳимаш ғолиб шудан аст. Ӯ гуфт, ки танҳо нақшаи мураббиашро иҷро мекард ва аз он берун нарафт. Нурулло ҳамчунин фаҳмонд, ки ҳангоми суҳбат бо забони англисӣ баъзан суханони тезро пурра намефаҳмад, аз хамин сабаб ба Дэвис пешниҳод кард, ки ба Тоҷикистон биёяд. Ба гуфтаи Нурулло, дар оилаи онҳо касеро барои суханони таҳқиромез задан одат нест. Ӯ мегӯяд, ки мехост масъала бо суҳбат ҳал шавад, аммо рафтори баъди муҳорибаи Дэвисро нодуруст мешуморад. Нурулло ҳамчунин ҳушдор дод, ки дар оянда ҳар кас бояд барои суханони гуфтааш ҷавобгар бошад. Ёдовар мешавем, ки Нурулло Алиев ҳоло ҳам мағлуб нашудааст ва омодагӣ мебинад, ки рӯзи 24 октябр дар UFC 333 бо Грант Доусон рӯ ба рӯ шавад. Прямой эфирро бошад метавонед аз телеграм канали мо ёбед ки ссылкаш дар комментария хаст