قضيت اول 24 ساعة فى برلين !! برلين صدمتني 😱

اخيرا سافرت برلين بس المره ده ماكنتش متوقع 😂 قضيت ٢٤ ساعة بشكل عشوائي في برلين والمدينة دي فعلا صدمتني من أول لحظة وصلت فيها. الجو كان حلو والناس في الشارع وكل حاجة بتتحرك بسرعة. تاني يوم الصبح صحيت بدري ونزلت على طول على Alexanderplatz قلب برلين النابض، المكان زحمة ومليان حياة وكله بيصور وبيتمشى. بعدها قررت ادخل متحف Neues Museum عشان اشوف نفرتيتي بنفسي، وكنت مصدوم انها موجودة هنا في برلين مش في مصر، وقفت قدامها شوية مش مصدق الحجم والتفاصيل بتاعتها. طلعت من المتحف خدت بريك كابتشينو عالسريع عشان افوق واكمل اليوم. لفيت شوية في شوارع برلين وجوعت فقولت لازم اجرب اشهر اكلة هناك، الدونر التركي. كملت تمشية لحد ما وصلت بوابة براندنبورغ Brandenburg Gate، البوابة اللي شافت تاريخ المانيا كله واقفة في نص المدينة والناس كلها حواليها بتتصور. وفي اخر اليوم قلت لازم اروح حي العرب اللي هو شارع Sonnenallee، الشارع ده عالم تاني جوه برلين، كله محلات عربية ومطاعم وسوبر ماركات وريحة الاكل في كل حتة وتحس انك مش في المانيا. وهناك بقى كانت الصدمة، لقيت واحد بيعمل كنافة بالعيش، بيعملها زي السندوتش بالظبط، الكنافة بتتمط وجواها الجبنة سايحة والعيش طري، الطعم كان لذيذ اوي بصراحة بس غريب جدا اول مرة اشوف كنافة بتتاكل كده كسندوتش. برلين طلعت مدينة مجنونة فيها كل حاجة من التاريخ الفرعوني للاكل التركي للشارع العربي، يوم واحد مش كفاية فيها. #برلين #احمد_محرم #Berlin #شارع_العرب