OMUSANGO GWA BESIGYE: Kkooti egobye obumu ku bujulizi obuleeteddwa

Omulamuzi Emmanuel Baguma awulira omusango gw’okulya mu nsi olukwe oguvunaanibwa Dr. Kizza Besigye, Obeid Lutale, ne Capt Denis Ollaa agobye ekimu ku bizibiti ebireeteddwa oludda oluwaabi mu musango guno, ng’agamba omuntu aleese ekizibiti talina buyinza ku bujulizi bwaleese. Bino byonna bibaddewo oluvanyuma lw’enkalu wakati w’oludda oluwaabi ne bannameteeka ba Obeid Lutale, nga oludda oluwaabi lutuuse n’okutegeeza kkooti nti bannamateeka ba Lutale bandiba nga oluzungu lubatawaanya.