TUMPAL NI NGOLUNGKU (borhat ma ho boru)

Huida ma uli ni bohim, ale boru hasianku Uli ni rupa dongan ni lambok ni pangkulingmi Songon mata niari na biccar di sogot ni ari Sian na metmet nunga hutiop tanganmi, huajari ho mardalan Nuaeng nunga marhamulian ho Alai tarbege do soara ni tondingku na madongani langkam Tarsongon ulos na tinonun gomos, songon i ma holongku mangkuling Ho do tumpal ni sipasangap di jabu parsinuanmi Sadari on, hupasahat ma ho tu dongan satoruan ni roham Borhat ma ho, gabe tiur ni huta naimbaru Mamboan goar na badia, gabe ina na burju jala na mar-Tuhan Sabam ma roham, pa ian habasaron di bagasan langkam Oloi ma donganmu, dongan saoloan na pinillit ni roham Bahen ma bagasmu gabe partungkoan ni angka na uli Songon hau na marparbue na ramos di porlak na bidang I do tanda ni holong na hupasahat tu ho Borhat ma ho boru, boru ni raja na pinarsinta Togu ma gomos bona ni parpadananmi Molo dung jumpang ombun manang las ni ari di jabu parbagasanmu Ingot ma podangkon: "Gabe ma ho pargogo, gabe ma ho mual ni dame" Tua ni ngolumi, i do silas ni roha di amangmon Las ni roham, i do tumpal di harajaonki Nang pe nga moru dongan pangisi di jabunta Alai gabe ganda do pasu pasu na ro sian ginjang Muba ma parange gabe matua, alai unang muba holongmi Tangiangku gabe handang na gomos, sai mangaramoti ho Borhat ma ho boru, boan ma simandodingon Mardalan ma ho di hamajuon na uli Borhat ma ho, boru hasianku... Boru ni raja na huparsinta na sai laon