التواريخ مشهوره | آداء جفران بن هضبان

بمناسبة زواج : حمد راشد القحطاني كلمات الشاعر : عبدالهادي بن مضواح الحبابي آداء المنشد : جفران بن هضبان يوم شفت الغيم دنق على روس الجبال والبروق تصافح الأرض والرعد يهدر قلت يالله في خيال ماجا مثله خيال يغسل الأرض ويغسل القلوب من الكدر تأصل أخباره من أقصى الجنوب إلى الشمال ويِفرح البدوان لاقامت سيوله تدر ينتثر همي ليا ربع الوادي وسال وتنبت أفراحي على شكل قيصوم وسدر ماطمعت بمنصب وشهره وموكب ومال طمعتي في دعوتن تُقبل بليلة قدر ماعلي من هزعت الحظ واجحاف الليال دامني في ظل ربٍ عزيزٍ مقتدر القناعه تفهق اهل التجاير والحلال والرضى وجهه تقي والسخط وجهه ودر مابعد وطيت خشمي تحت خشم الريال عزتي ماتنحدر لو زماني ينحدر وان سمعت الكلمه الهزله اللي ماتقال ابني قصور التغاضي على سطح البدر فعلنا يُذكر مع آهل التواريخ الثقال والضعيف ان ضاق يضرب براسه في جدر نقلط صدور التواريخ وصدور الرجال يوم طمعت ناقص المعرفه يقلط صدر ياحمد بن راشد ابشر يامحمود الخصال وانت لك في قمة المجد منزال وقدر من ربوعي عادها بالمشوك والسلال تضرب نحور المعادين ماترضى الغدر واللي مايدري من حزامي ليا الوقت مال كان ماتدري من حزامي الضافي فدر ————————————————- أنا لابتي قحطان اهل ماقفن مشهود قبيلة فخر يوم التواريخ مشهوره ملاذ المجلا فزعت الضايق المضهود حزام الخوي تكرم عن الشك والبوره وابو راشد الي لابته يحتمون الذود راع الوجه الأبيض يوم الإعلام منشوره من ال مهدي وال مهدي ماعليهم زود مواقيفهم في صفحة المجد مذكوره كلامه قليل وفعله اكبر من اكبر طود عطاياه ماهي بمحدوده ومحصوره وابوه الأمير اللي ليا ثور البارود حذف بالعمامه والمعادين مدحوره تجمل وجمل لابته ماذخر مجهود يطش الدراهم كنه يطش قاروره يوم ان الجمايل قطع فرجه ودحم عضود يروم العلا ويصافح المجد ويزوره وقحطان دوله يوم عاد البرا مردود يسولف بنا التاريخ بالصوت والصوره عبدالهادي بن مضواح الحبابي