ប្រជាប្រិយភាពដ៏មានឥទ្ធិពលនៃតារាភាពយន្តខ្មែរ ជា យុទ្ធថន នៅក្នុងប្រទេសថៃ

នៅឆ្នាំ១៩៧០ លោក ជា យុទ្ធថនបានក្លាយជាតារាខ្មែរមួយដែលមានឥទ្ធិពលលើប្រជាជនថៃ នៅខណះដែលប្រទេសថៃ ក៏ជឿនលឿន និងរីកចម្រើនស៊ីវិល័យមិនធម្មតាដែរ។ ឥទ្ធិពលនេះបើយើងមិនបានស្រាវជ្រាវយើងគ្រាន់តែដឹងថា លោក ជាយុទ្ធថនមានវត្ថមាននៅក្នុងកាសែត និងកញ្ចក់ទូរទស្សន៍ធំៗដែលចេញផ្សាយពេញប្រទេសថៃនាពេលនោះ តាមរយៈការសម្តែងរបស់លោកក្នុងខ្សែភាពយន្តរឿងពស់កេងកង របស់ផលិតកម្មតារារដ្ឋ ដែលបញ្ចាំងយ៉ាងគក្រេចគគ្រេងនៅទូទាំងប្រទេសថៃ និងភាពយន្តរឿងជីវិតផ្សងព្រេង ដែលលោកជាដៃគូជាមួយកំពូលតារាថៃ សម្បត្តិមេថានី និងអារ៉ាន់យ៉ាណាមវង្សតែប៉ុណ្ណោះ។