EP20: Deontology 1 أخلاق الواجب

فكر فى المرات اللى اضطرت تكدب فيها عشان تغطى على صاحبك فى الفصل، او اخوك فى البيت، او يمكن زميلك فى الشغل .. او المرات اللى اضطريت تخلف فيها بوعد عشان مصلحة شخصية .. او المرات اللى زوغت فيها من دفع تذكرة المترو او الاتوبيس .. ياترى الالتزام بالواجب الاخلاقى شئ ممكن دايما تحت كل الظروف؟ ... ولو كانت نتيجة الالتزام بالواجب الاخلاقى ده مضرة ليك .. هل بيصبح وقتها ضرورى؟ .. ولو ماكنش الالتزام ده ضرورى، ياترى هيكون ايه حال العالم اللى بنعيش فيه لو كل الناس اتصرفت زيك؟! ... وهل فعلا الواجبات الاخلاقية مصدرها العقل والمنطق؟ .. ولا ليها مصدر تانى أعلى من قدراتنا العقلية؟ كانط جادل ان اعلى درجات الخير لابد وانها تكون جوهرية لذاتها وفى ذاتها ومن هنا استنتج ان فى شئ واحد بس خير فى جوهرة وهو حسن النية المُختار بناء على احساس بالواجب الاخلاقى. من مبدأ الواجب ده كانط أشتق فكرة الضرورة الحتمية اللى بتعبر عن مبدأ صحيح جوهريا فى ذاتة ولذاتة ويجب ان يُتبع فى كل المواقف والظروف. كانط أعتبر الحتمية الاخلاقية التزام غير مشروط بغض النظر عن ارادتنا ، راغبتنا، او اى توابع و عواقب ممكن تنتج عن الفعل! زى ما اعتقد ان اى فعل بيتعمل بدون دافع من الواجب مالوش اى قيمة أخلاقية وبدون اى معنى أخلاقى. كانط جود وصاغ نظريتة الخالدة أخلاق الواجب، اللى هتفضل واحدة من أهم الانجازات البشرية على الاطلاق، وهيفضل كانط واحد من أكثر واهم المفكرين تأثيرا وتجديدا فى تاريخ الفلسفة، وآثارة فى فلسفة الاخلاق، نظرية المعرفة، وماوراء الطبيعة هتفضل علامات ساطعة فى تاريخ البشرية الحديث! للتواصل ومتابعة باقى الحلقات تابعونا على:   / kalamfalsfa   http://kalamfalsfa.wordpress.com https://plus.google.com/u/0/+KalamFalsfa   / kalamfalsfa