Lənkəranda təcili tibbi yardım qəzaya düşdü – APA TV

#APATV #apaxeber #apaxəbər Lənkəranda çağrışa gedən təcili tibbi yardım avtomobili qəzaya uğrayıb. Hadisə köhnə Ələt-Astara magistralının Lənkəran rayonunun Velədi kəndi ərazisində qeydə alınıb. Belə ki, iyulun 28-i saat 19:25 radələrində Lənkəran rayonunun Səpnəkəran kəndindən 103-ə zəng daxil olub. Dərhal çağırış yerinə təcili tibbi yardım avtomobili ilə sürücü Samir Rüstəmov və feldşer Səfail Fərəcov çıxıb. Təcili tibbi yardım avtomobili rayonunun Velədi kəndi ərazisində 63 yaşlı Zakir Müslümovun idarə etdiyi "Hyundai SantaFe" markalı nəqliyyat vasitəsi ilə toqquşub. Toqquşma nəticəsində hər iki nəqliyyat vasitəsi idarəetməni itirərək yoldan çıxıb. Tibbi yardım avtomobili ağaca çırpılaraq dayanıb. Dərhal əraziyə aidiyyəti qurumların əməkdaşları cəlb olunub. Təcili tibbi avtomobilini yol kənarından götürmək üçün əraziyə ağır texnika gətirilib. Baş verən ağır qəzada "Hyundai SantaFe"nin sürücüsü və avtomobildə sərnişin qismində olan həyat yoldaşı 56 yaşlı Ülkər Müslümova müxtəlif dərəcəli bədən xəsarətləri alaraq Lənkəran rayon mərkəzi xəstəxanasının təcili yardım şöbəsinə hospitalizasiya olunublar. Həkimlər Ülkər Müslümovaya sağ bazu sümüyünün sınığı diaqnozu təyin ediblər. İlkin məlumata görə qəzanın baş verməsinə səbəb "Hyundai SantaFe" markalı nəqliyyat vasitəsinin anidən təcili tibbi yardım avtomobilinin qarşısına çıxması göstərilir. Qeyd edək ki, qəzada xəsarət alan sürücü Zakir Müslümov da həkimdir. Faktla bağlı araşdırma aparılır. Araşdırmanın nəticəsindən sonra qəzanın dəqiq baş vermə səbəbləri məlum olacaq. #apaxəbər #apatvxəbər #gundemxeberler #gününxəbərləri #sondeqiqe ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi X səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) info@apa.tv