എഴുത്ത് മടുത്തിട്ടില്ല പക്ഷേ, പൊരുത്തപ്പെടാന്‍ പ്രയാസം തോന്നാറുണ്ട് |Rafeeq Ahammed | ഊരും പേരും

അക്കിക്കാവിലേക്കുള്ള ഈ നാട്ടു വഴിയില്‍ പാട്ടും കവിതയും ഇഴചേര്‍ന്നു കിടക്കുന്നതു കാണാം. കവി റഫീക്ക് അഹമ്മദിന്റെ നാട്. ഈ വഴിയില്‍ ഇടയ്ക്കിടെ കാറുകള്‍ വന്നു പോകുന്നുണ്ട്. സിനിമയിലേക്ക് പാട്ടു തേടി വരുന്നവരാകാം. പുതിയ കാലത്തെ വ്യക്തതയോടെ കാണുകയും, അതാത് സന്ദര്‍ഭങ്ങളില്‍ പ്രതികരിക്കുകയും ചെയ്യുന്ന എഴുത്തുകാരനാണ് റഫീക്ക് അഹമ്മദ്. 'രാഷ്ട്രീയലാഭങ്ങള്‍' നോക്കി അതില്‍ നിന്ന് പിന്‍മാറുകയുമില്ല. അദ്ദേഹത്തിന്റെ നാടായ അക്കിക്കാവിനെ കുറിച്ച്, മാറി വരുന്ന അവിടത്തെ ജീവിതത്തെ കുറിച്ച് സംസാരിക്കുന്നു. 'ഞാന്‍ ഈ നാട്ടില്‍ ജനിച്ചു വളര്‍ന്നയാളാണ്. എനിക്കൊരു പ്രവാസ ജീവിതം ഉണ്ടായിട്ടില്ല. എന്റെ കൂട്ടുകാരും ബന്ധുക്കളും ഇവിടെത്തന്നെയാണുള്ളത്. അതുകൊണ്ട് തീര്‍ച്ചയായും ഈ നാട് എന്റെ ജീവീതത്തിലും എഴുത്തിലും സ്വാധീനിച്ചിട്ടുണ്ടാവും. കവിത എപ്പോള്‍ വന്നു എന്നൊന്നും കൃത്യമായി പറയാനാവില്ല. പക്ഷേ, പതിയെപ്പതിയെ ഉള്ളില്‍ വന്നു തുടങ്ങിയിരുന്നു. സ്‌കൂളിലേക്ക് പോകുന്ന വഴി നിറയെ കാഴ്ചകളുണ്ടായിരുന്നു. കൂട്ടുകാരൊടൊപ്പം നടന്നു പോകുമ്പോള്‍ അതെല്ലാം അനുഭവിക്കും. കേരളത്തിലെ മിക്ക സ്ഥലങ്ങളുമെന്ന പോലെ ഈ നാടും ഗ്രാമീണ അന്തരീക്ഷമുള്ളതായിരുന്നു. ഇപ്പോള്‍ എല്ലാ സ്ഥലവും നഗരമായിക്കൊണ്ടിരിക്കുന്നതിന്റ ഭാഗമായി ഈ നാടും മാറിയിട്ടുണ്ട്. ധാരാളം പാടങ്ങളും കവുങ്ങ് കൃഷിയും ഉണ്ടായിരുന്നു' - അദ്ദേഹം നടത്തത്തിനിടേ പറഞ്ഞു Click Here to free Subscribe: https://bit.ly/mathrubhumiyt Stay Connected with Us Website: https://www.mathrubhumi.com/ Facebook-   / mathrubhumidotcom   Twitter- https://twitter.com/mathrubhumi?lang=en Instagram-   / mathrubhumidotcom   Telegram: https://t.me/mathrubhumidotcom Whatsapp: https://www.whatsapp.com/channel/0029... #rafeeqahmed #oorumperum