PANELO, BINIRA ANG TESTIGO NG PROSEC: EXPERT SA KASINUNGALINGAN AT HAKA-HAKA

Binira ni Atty. Salvador Panelo ang testigo ng prosekusyon na si forensic financial expert Atty. Alexander Cabrera, na tinawag niyang “expert sa kasinungalingan at haka-haka.” Ito ay matapos aminin ni Cabrera na haka-haka lamang ang batayan ng kanyang mga "expert opinion" kaugnay ng mga dokumentong may kinalaman kay Vice President Sara Duterte. Ayon kay Panelo, “Itong testigong ito, expert pala ito sa kasinungalingan at tsaka paghaka-haka dahil inamin niya na ’yung kanyang mga expert opinion ay batay lamang sa haka-haka, nanghuhula lang siya. Magikero—magician pala ito.”