صلاح الجنيبي / ياطير 🌹

( يا طير ) يا طير خبرني عن أحوال خلي عساه يذكر حب ذيك الليالي وإن كان أنساه الجفاء والتغلي وصل سلامي له على كل حالي إن كان في النسيان أصبح محلي قله محله فوق هام العلالي أنا صبور ومطمعي في الوصلي عساه مثلي يستعي للوصالي دربه زرعته له ورود(ن) وفلي ودربي لوصله صار صعب المنالي حبه تمكن داخلي ف كل كلي وعيني تشوف إنه الحبيب المثالي تسحرني عينه الغارقه بالكحلي وألا خدوده شمس وقت الزوالي والخصر عود(ن) مال ثم أعتدلي فيه الحلا قد فاق وصف الجمالي تشدني صوبه رياح المطلي لا هب نسناس الهبوب الشمالي والفكر صوبه دايم(ن) في تجلي أهواه مهما بالهوى قد طرالي ومهما خيالي بالظروف إنشغلي دايم خياله ما يفارق خيالي يا طير قله كان موتي حصلي محال أهوى حب غيره محالي ياطير شل الود لعيونه وشلي وقله ترى حبه بقلبي صفالي وإن كان أنساه الجفاء والتغلي وصل سلامي له على كل حالي سلطان البلوشي.. ( ساهر )