#Kurugodu ಕುರುಗೋಡು ತಾಲ್ಲೂಕಿನ ಬಾದನಹಟ್ಟಿ ಗ್ರಾಮದಲ್ಲಿ ಶ್ರೀ ಉಡಸಲಮ್ಮ ದೇವಿಯ ಕುಂಭೋತ್ಸವ ಸಂಭ್ರಮದಿಂದ ಜರುಗಿತು.

ಕುರುಗೋಡು ತಾಲ್ಲೂಕಿನ ಬಾದನಹಟ್ಟಿ ಗ್ರಾಮದಲ್ಲಿ ಗ್ರಾಮದ ಆರಾಧ್ಯ ದೇವಿಯಾಗಿರುವ ಶ್ರೀ ಉಡಸಲಮ್ಮ ದೇವಿಯ ಕುಂಭೋತ್ಸವ ಸಡಗರ ಸಂಭ್ರಮದಿಂದ ಜರುಗಿತು. ಬಾದನಹಟ್ಟಿ ಸೇರಿದಂತೆ ವದ್ದಟ್ಟಿ, ಸಿಂಧಿಗೇರಿ, ಬೈಲೂರು, ಶಾನವಾಸಪುರ ಗ್ರಾಮದಲ್ಲಿ ಜನಪದೀಯ ದೇವಿಯರ ಕುಂಭೋತ್ಸವ ಅದ್ದೂರಿಯಿಂದ ಜರುಗಿದವು. ಗ್ರಾಮದ ಭಕ್ತರು ಶ್ರೀ ಉಡಸಲಮ್ಮ ದೇವಿಯ ದೇವಸ್ಥಾನವನ್ನು ಕಲ್ಲಿನ ಶಿಲೆಯಲ್ಲಿ ವೈಭವದಿಂದ ಮರುನಿರ್ಮಾಣ ಮಾಡುತ್ತಿರುವುದು ವಿಶೇಷ. ಕುಂಭೋತ್ಸವ ಅಂಗವಾಗಿ ಶ್ರೀ ಉಡಸಲಮ್ನ ದೇವಿಗೆ ಅಭಿಷೇಕ, ವಿಶೇಷ ಪುಷ್ಪ ಹಾಗೂ ಹಣ್ಣುಗಳಿಂದ ಅಲಂಕಾರ ಮಾಡಿ ಪೂಜೆ ಸಲ್ಲಿಸಿದರು. ಗ್ರಾಮದಲ್ಲಿ ವಾಸಿಸುವವರು ಜಾತಿ ಭೇದವಿಲ್ಲದೆ ಮನೆಗೊಂದರಂತೆ ಭಕ್ತಿಯಿಂದ ಕುಂಭ ಸಮರ್ಪಿಸಿದರು. ಈ ಗ್ರಾಮದಿಂದ ಹೆಣ್ಣುಮಕ್ಕಳನ್ನು ಮದುವೆ ಮಾಡಿಕೊಂಡವರು ಮತ್ತು ಹೆಣ್ಣು ಕೊಟ್ಟವರು ದೇವಿಗೆ ಕುಂಭ ಸೇವೆ ಸಲ್ಲಿದರು. ಇದು ಇಲ್ಲಿನ ವಾಡಿಕೆ. ಮಂಗಳವಾರ ಬೆಳಿಗ್ಗೆ ಗೌಡರ ಕುಂಭ ಸೇರಿದಂತೆ ಇತರೆ ಸಮಾಜದವರು ಕುಂಭ ಸೇವೆ ಸಲ್ಲಿಸಿದರು. ನಂತರ ಮಂಗಳವಾರ ಮಧ್ಯರಾತ್ರಿ ಜರುಗುವ ಮೇಟಿ ಹಿರೇ ಕುಂಭೊತ್ಸವದಲ್ಲಿ 101 ಕೆಜಿ ತೂಕವಿರುವ ಹಿರೇ ಕುಂಭವನ್ನು ದೇವರಮನೆ ಕುಟುಂಬದ ನಾಯಕ ಜನಾಂಗದವರು ಹೊತ್ತು ತರುತ್ತಾರೆ. ಹಿರೇ ಕುಂಭದ ಹಿಂದೆ ಸಾವಿರಾರು ಕುಂಭಗಳನ್ನು ಹೊತ್ತು ತರುವ ದೃಶ್ಯ ಕಣ್ತುಂಬಿಕೊಳ್ಳಲು ಭಕ್ತರ ಸಾಗರವೇ ಸೇರಿರುತ್ತದೆ. ಈ ಹಿರೇ ಕುಂಭ ಮಧ್ಯರಾತ್ರಿ 12:30 ರಿಂದ ಪ್ರಾರಂಭಗೊಂಡು ಡೊಳ್ಳು ಮೇಳ ಕಳಸ ಮತ್ತು ಮಂಗಲ ವಾದ್ಯಗಳೊಂದಿಗೆ ಬೆಳಿಗಿನ ಜಾವ 5 : 30 ಕ್ಕೆ ದೇವಸ್ಥಾನಕ್ಕೆ ಆಗಮಿಸಿ ಭಕ್ತಿಯಿಂದ ದೇವಿಗೆ ಸಮರ್ಪಿಸುತ್ತಾರೆ. ಹಾಲುಮತ ಸಮಾಜದವರು ಹಿರೇ ಕುಂಭ ಸ್ವಾಗತಿಸುತ್ತಾರೆ. ಗ್ರಾಮದ ಭಕ್ತರು ದೇವಿಗೆ ಕುಂಭ ಸಮರ್ಪಿಸಿ ಭಕ್ತಿ ಮೆರೆಯುವ ಕುಂಭೋತ್ಸವ ನೋಡುವುದೇ ತುಂಬ ವಿಶೇಷ. #kurugodu #ballari #bellary #doddabasaveshwar #veerabhadragouda #news #kannadanews #kvgnews #kvgpublicnews #kvgkurugodu #kvgouda #kudatini #kampli #kurugodunews #kurugoduhistory #history #veerabhadra #historical #place #kveerabhadragouda #kmr #kvg #kannadavarthagani #emmiganuru #muddatanuru #sirigeri #sirigerinews #badanatti #siruguppa #siruguppanews #kannadanewschannel #jatranews #sadhakaranews #kannadavarthagani #doddabasaveshwartemple #kannada #karnataka #india #bangalure #koppala #sindanuru #hampi #vijayanagar #hospete #kamalapur #uttarakannada #uttarakarnataka