„ჩემი ამბავი მარტო ჩემი არ არის“ - ანა ტიკარაძე სახელმწიფო ფიქიატრიულების შესახებ

TW (გაფრთხილება): ვიდეო შეიცავს სუიციდური აზრების, ფიზიკური და სექსუალური ძალადობის აღწერას. 2021 წლის 28 ნოემბერს, მძიმე სუიციდური აზრების გამო, ანა ტიკარაძე ფსიქიკური ჯანმრთელობისა და ნარკომანიის პრევენციის ცენტრში ნებაყოფლობით მოთავსდა. თუმცა, როგორც თავად იხსენებს, კლინიკაში დახმარების ნაცვლად ფიზიკური, ფსიქოლოგიური და სექსუალური ძალადობის მსხვერპლი გახდა. ანას მონათხრობის მიხედვით, პერსონალი სიტყვიერ შეურაცხყოფას აყენებდა, არ აძლევდა ოჯახის წევრებთან დაკავშირებისა და კლინიკის დატოვების შესაძლებლობას. ის ასევე იხსენებს ფიზიკურ ძალადობას, იძულებით დაბმასა და სექსუალური შევიწროების შემთხვევას. ამ ვიდეოში ანა საკუთარ გამოცდილებას გვიზიარებს და საუბრობს სახელმწიფო ფსიქიატრიულ დაწესებულებებში არსებულ სისტემურ პრობლემებზე - არასათანადო ჰიგიენურ პირობებზე, პაციენტების უფლებების შეზღუდვაზე, დამამცირებელ მოპყრობასა და ძალადობაზე.